Nana Bazaran Vich Main Khutbay Parhdi Rai Aan
Noha Lyrics & Urdu Writeup on Bibi Zainab (s.a) recited by Qanbar Kiyani
نانا بازاراں وچ میں خطبے پڑھدی رئی آں
سر ننگے کوڑے جھل جھل کے سجاد بچاندی رئی آں
میرے عابد نوں ایناں لوکاں نے کڑیاں تے طوق پوائے نے
شبیر دی لاڈلی بچڑی نوں ہائے شمر طمانچے مارے نے
تیرا دین بچاونڑ دی خاطر میں پتھر وی جھلدی رئی آں
جناں بے دیناں نوں بدر دے وچ بابے نے زخم لگائے نے
اوناں سفیانی لوکاں نے تیری آل توں بدلے لائے نے
خندق، احد تے بدر والے میں بدلے دیندی رئی آں
میں شام دے تنگ بازاراں وچ پندرہ آذاناں سنڑیاں نے
تیری امت دے درباراں وچ لوکاں دیاں جھڑکاں سنڑیاں نے
تے وسدے پتھراں وچ نانا میں بال بچاندی رئی آں
جنوں موڈیاں تے توں چاندا سیں اودھا سر سانگ چڑھایا اے
نانا تیری عترت نوں لوکاں ہائے وچ بازار پھرایا اے
تیرے دین دی ایج مے خواراں وچ تبلیغ میں کردی رئی آں
ایناں ظالماں نے اگاں لا کے خیام نوں آنڑ جلایا سی
تے میرے سر توں چادر نوں نیزے دے نال لہایا سی
تیرے باج ردا غازی بنڑ کے میں پہرے دیندی رئی آں
قنبر دی دعا اے پاک نبی ہر ماتمدار دی خیر ہووے
جیہڑی دین بچاندی رل گئی اے اودھے پرسہ دار دی خیر ہووے
آکھے ستر قدم توں قتل ہوندا میں ویر نوں ویکھدی رئی آں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.