Aye baad e saba ja ke yeh ammu ko batana pyasi hai Sakina

اے باد صبا جا کے یہ عمو کو بتانا پیاسی ہے سکینہ

پانی کی طلب مجھ کو کھلاتی رہی ٹھوکر کہتا تھا لعیں دوں گا میں فوجوں کو پلا کر جب شمر لعیں کر چکا سیراب یہ لشکر دکھلا کے مجھے پھینک دیا پانی زمیں پر تب سمجھی میں کیا ہوتا ہے امید دلانا پیاسی ہے سکینہ

اس چھوٹے سے سن میں یہ ستم میں نے اٹھائے اللہ کسی کو نہ یتیم ایسا بنائے خود اپنے لہو میں کوئی بچی نہ نہائے میں تم کو بلاتی رہی تم بھی تو نہ آئے میں بن گئی بعد عصر لعینوں کا نشانہ پیاسی ہے سکینہ

اک رسی میں ہم سب کے گلے باندھ کے اعدا کرتے ہوئے تشہیر چلے جانب کوفہ اور اس پہ مصیبت یہ تھی قد چھوٹا تھا میرا اٹھتی تھی جو پھپھیاں تو گلا کھنچتا تھا میرا گردن کا میرے زخم چچا دیکھنے آنا پیاسی ہے سکینہ

اک جام ہوا شام غریباں میں میسر وہ کوزہ میں رکھ آئی تھی اصغر کی لحد پر تھا مجھ سے بھی چھوٹا میرا بھیا میرا دلبر شرمندہ میں ہو جاتی چچا پیاس بجھا کر اب اپنے ہی ہاتھوں سے میری پیاس بجھانا پیاسی ہے سکینہ

گھر لوٹ کے جاتے ہیں ہر اک شام پرندے قسمت میں لکھے ہیں میری زنداں کے اندھیرے کب تک میں جیوں گی یونہی اشکوں کے سہارے لگتا ہے کہ مر جاؤں گی اب دور وطن سے ہو گا نہ میسر مجھے گھر لوٹ کے جانا پیاسی ہے سکینہ

جس روز سے اصغر کو ملا بابا کا سینہ اس روز سے عمو نہیں سو پائی سکینہ اس حال میں جاؤں گی میں کس طرح مدینہ آ جائے مجھے موت ہے کس کام کا جینا جاگی ہوں بہت آ کے چچا مجھ کو سلانا پیاسی ہے سکینہ

میں بھول نہیں سکتا سکینہ میری بچی مشکیزہ علم میں ہے لگا دیکھ لے اب بھی

انور یہ صدا پرچم عباس سے آئی کاٹے گئے بازو میرے مجبور تھا بی بی پرچم کا میرے کام ہے دنیا کو بتانا پیاسی ہے سکینہ