Koi Shaam Che Aaway Naan
Noha Lyrics & Urdu Writeup on Shaam recited by Asghar Khan
لوگو رو آکھے مہارئی میرے وانگوں بن کے قیدی کوئی شام چہ آوے ناں
پھپھیاں دی ردا اکبر جئے ویر دے قاتل توں کوئی منگدا جاوے ناں
ہووے کسے دی نہ کوئی بھین معصومہ کدی قیدی ویر دے نال
اپنے ہتھئی زندان چہ کھود کے بھین لئی کوئی قبر بناوے ناں
وچ صحراواں ٹر ٹر کے نہ ہووے کدی قیدی کوئی بیمار
فیر بھین کوئی بیمار بھرا دیاں کڑیاں تے اینج پانی پاوے ناں
زینب جھلیاں جیویں جھڑکاں لوگو عباس دی موت دے بعد
رب دنیا تے زینب دے وانگوں بھین کسے دا مانڑ مکاوے ناں
دیوے کسے نوں فیر سزا نہ اینج دی کوئی ظالم دنیا تے
ہائے خون بھرے سر تن توں جدا ہوئے ویراں دے نیزے تے وکھاوے ناں
منگیاں دعاواں عابد نے رو رو کے ایہو مرن تائیں ثقلین
خالق میرے دنیا تے فیر کوئی ظالم بازار سجاوے ناں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.