Janre Shaam Te Zainab Janre
Noha Lyrics & Urdu Writeup on Bibi Zainab (s.a) recited by Shams Party Lahore
جانڑے شام تے زینب جانڑے، جانڑے شام تے زینب جانڑے
سجاد نوں لے ٹر پئی اے کیویں بھیڑ بازار چہ گئی اے زینب جانڑے
ٹر پئی اے دین بچاون لئی ہڈیاں دا داغ مٹاون لئی
ویرن شبیر دے سجدے نوں وچ شام دے رنگ چڑھاون لئی
ہر ظلم نوں سیندی رئی اے کیویں وچ دربار دے گئی اے
کربل دی جنگ شبیر لڑی وچ شام دے پر اوکھی سی گھڑی
کتھے سامنا سی نا محرماں دا کتھے زینب رئی خاموش کھڑی
کتھے ذاکر اے بن گئی اے کیویں جھڑکاں سیندی رئی اے
اے حوصلہ عون دی ماں دا اے دربار چہ وقت قضا دا اے
اے جھگڑا وے نوازی نئی اے جھگڑا اج وفا دا اے
عباس علی بن گئی اے کیویں شامیاں سامنے رئی اے
ماں زہرا وی دربار گئی وچ برقعے دے گفتار رئی
گئی زینب وی دربار دے وچ بے پردہ اے لاچار رئی
اودی سند دے ٹکڑے کیتے اے چادر منگدی رئی اے
اک ایسا وقت وی آیا سی ظالم نے حکم سنایا سی
دربار چہ قتل کرو عابد زینب امام بچایا سی
ایدے صدقے امامت رئی اے کیویں نسل بچا اے گئی اے
اج قیدی بن کے آئی اے کدی ملکہ بن کے آئی سی
سی کیتا سورج نے پردہ کوفے نے فضیلت پائی سی
کتھے او شاناں کتھے اج زینب کیویں کوفے توں لنگ گئی اے
شہروز اے گل اسلام دی اے اک بی بی قیدن شام دی اے
او بی بی دین دی ملکہ اے نالے دختر پاک امام دی اے
توحید ازل کر گئی اے جیویں مشکل حل کر گئی اے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.