Shabbir Musafir Chalya
Noha Lyrics & Urdu Writeup on Safre Imam Hussain recited by Akhtar Hussain Akhtar
نانا تیرے وسدے شہر وچوں شبیر مسافر چلیا
تیرے کلمہ گو نئی رہنڑ دیندے تیرے جگر دے ٹکڑے نوں
سنگ بالا تے مستوراں دے تیرے دین دا ناصر چلیا
صغری دی بنی مجبوری ایدی شکل بتول دی پوری
متاں لوکی سمجھن زہرا اے وچ شام بازاراں دے
ایسے لئی چھڈ کے روندی نوں ایدا ویر علی اکبر چلیا
جتھے لکھنا سی بسم اللہ اوتھے لکھ کے انا للہ
وچ کرب و بلا دی نگری دے گھر بار لٹاونڑ لئی
ہائے لے فہرست مسافراں دی درداں دا سوداگر چلیا
جدوں جندرے گھراں نوں لائے اے وینڑ بیمار نے پائے
کوئی رب دے واسطے امڑی نوں میرا پیغام پہنچاوے
میں کیویں ویر کھڈاواں گی میرا ویر علی اصغر چلیا
بچ جانڑا اے دین خدا دا گھر اجڑ جانڑا زہرا دا
غازی نوں جنگ نہ کرن لئی شبیر پابند کیتا
تائیوں اصغر بے شیر جئے لے نال بہادر چلیا
میری صغری کلیاں رہ گئی مینوں روندیاں چھڈنی پے گئی
تیرے دیوے میرے بعد نانا بیمار جلاوے گی
ہن ہون گے میل نصیباں نال تیرے در دا مجاور چلیا
جدوں خیمیاں نوں اگ بھا گئی ماں عون دی باہر آ گئی
دیوے مر مر ہکلاں غازی نوں بیمار کوں آن بچا
کیویں پتر سجاد بچاواں میں سجاد میرا مر چلیا
جدی خاطر پاک رسول اے سجدہ چا کیتا طول اے
سبحان ربی الاعلی کیا ستر دفعہ احمد نے
اختر شبیر اج ستراں دی تھاں دینڑ بہتر چلیا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.