Mil jaye Zulfiqar to hum bhi wagha karein

مل جائے ذوالفقار تو ہم بھی وغا کریں پھر بھاگنے میں ہم نہ کبھی ابتداء کریں بولے نبی علی سے تقابل تو نہ کریں مال غنیمتوں پہ فقط اکتفا کریں اسلام کو علی سا وفادار چاہیے جیسا ہے ہاتھ ویسی ہی تلوار چاہیے

دے کے علم یہ سب کو نبی نے دکھا دیا ارمان پورا سب کا نبی نے کرا دیا جب کچھ نا ہو سکا تو علی کو بلا دیا کہہ کے رجل علم جو علی کو تھما دیا خیبر کا در جو کب سے کھڑا تھا غرور میں دو انگلیوں سے آیا علی کے حضور میں

ہے کون جو علی کے مقابل میں آئے گا سورج جو ڈوب جائے تو واپس بلائے گا ٹھوکر جو ایک مار کے مردہ اٹھائے گا اذن خدا سے کیا کیا نہ کر کے دکھائے گا معجز نما ہے میرا تو حاجت روا بھی ہے وہ تو نصیریوں کا سنا ہے خدا بھی ہے

ساغر اٹھا کہ مدحت حیدر کی بات ہے نفس رسول فاتح خیبر کی بات ہے یہ تو بتول پاک کے شوہر کی بات ہے حب علی کی مے تو مقدر کی بات ہے پی لے جو ایک بار وہ عالی مقام ہے پینا جسے حلال نہ پینا حرام ہے

بے خوف زندگی کو بتایا تھا اس لیے حب علی کے ساتھ جو آیا تھا اس لیے دید علی کا شوق جو بھایا تھا اس لیے خاک شفاء لحد میں بھی لایا تھا اس لیے منکر نکیر جون جو لینے لگے حساب رضوی میری طرف سے علی نے دیا جواب