Ghame hussain manana
Noha Lyrics & Urdu Writeup on Azadari recited by Tableegh e Imamia
غمِ حُسین منانا بہت ضروری ہے
حُسینی شمع جلانا بہت ضروری ہے
راہِ نجات میں خورشیدِ زندگی کے لیئے
بقا کے واسطے خالق کی بندگی کے لیئے
جہالتوں کے اندھیروں میں روشنی کے لیئے
حُسینی شمع جلانا بہت ضروری ہے
غمِ حُسین منانا۔۔۔
وہ جس میں اصغرِ معصوم کا تبسم ہے
وہ جس میں آنکھوں کا سیلاب ہے طلاطم ہے
وہ جس میں آخری شبیر کی صدا گُم ہے
وہ داستاںن سُنانا بہت ضروری ہے
غمِ حُسین منانا۔۔۔
یہ وہ حُسین ہے جو فخرِ ابنِ آدم ہے
کہ جس کے زیرِ قدم رفعتِ دو عالم ہے
اُسی حُسین کے غم میں یہ شورِ ماتم ہے
یہ بات سب کو بتانا بہت ضروری ہے
غمِ حُسین منانا۔۔۔
وہ جس نے دین بچایا ہے کربلا آ کر
وہ جس نے آخری سجدہ کیا تہہِ خنجر
وہ جس کے در پہ فرشتے جُھکارہے ہیں سر
سر اُس کے در پہ جُھکانا بہت ضروری ہے
غمِ حُسین منانا۔۔۔
وہ بھوک و پیاس وہ برچھی وہ سینہِ اکبر
وہ مشک اور وہ بازو کٹے جو دریا پر
وہ شہ کا آخری سجدہ وہ شمر کا خنجر
ہر ایک کو یاد دلانا بہت ضروری ہے
غمِ حُسین منانا۔۔۔
خاموش آل محمد کا آج ڈیرہ ہے
بلا کا شام غریباں میں اک اندھیرا ہے
رسول زادیاں اور خاک پر بسیرا ہے
عزا کا فرش بچھانا بہت ضروری ہے
غمِ حُسین منانا۔۔۔
حسین ہی تو سہارا ہیں آدمی کے لئے
حسین کی ہی ضرورت ہے زندگی کے لئے
عروج عظم حسینی ک وہ برتری کے لئے
نشان راہ بنانا بہت ضروری ہے
غمِ حُسین منانا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.