Nana Teri Zainab Nu
Noha Lyrics & Urdu Writeup on Bibi Zainab (s.a) recited by Wajhi Hasan Zaidi
نانا تیری زینب نوں ایس شام دے لوکاں نے بوؤں درد وکھائے نے
میرے ویراں دیاں لاشاں بے گور و کفن رئیاں ایناں جشن منائے نے
پرسے دے لئی نانا کوئی نیزیاں سنگ آیا کوئی شعلیاں سنگ آیا
زہرا دیاں دھیاں دے کسے برقعے لہائے تے کسے خیمے جلائے نے
کربل توں ٹری نانا میں باج رداواں دے اوناں اوکھیاں راواں تے
تیڈی دھیاں تے نوہاں نوں کر قید مسلماناں بازار سجائے نے
ساڈے چہرے وی زخمی ہن ہتھ پیر وی زخمی ہن ساڈے زخماں وی زخمی ہن
پردیس چہ دھیاں نے پیو فاتح خیبر دے انج بدلے چکائے نے
میں آہدی رئیاں ول ول میں دھی ہاں محمد دی نالے بچڑی آں زہرا دی
تبلیغ دے بدلے وچ انج اجر دتا لوکاں اوناں پتھر وسائے نے
دربار شرابی دا نو گھنٹے دی ہک پیشی تیری دھیاں تے نوہاں دی
گستاخ فضاواں نے اتھرو میرے عابد دے مرجان بنائے نے
کمسن میرے لشکر دے ہن دوڑدے اونٹھاں تے مٹیاں تے رہے جھڑدے
مجبور بے سن ماواں او سکدیاں رہ گئیاں کسے بال نہ چائے نے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.