Tatheer Diyan Paliyan
Noha Lyrics & Urdu Writeup on Imam Ali (a.s)
تطہیر دیاں پلیاں بابے دے جنازے تے پیاں وین پاندیاں نے
جدوں ماں رووے نہ بابل سانوں دس جا بابا دھیاں کنوں دکھ سنائندیاں نے
زہرا دے گھر نوں لٹیا آ ویکھ مسلماناں
سجدے چہ ماریا اے کل ایمان نانا
اسی اجڑ گئے آں نانا اج بولدا نئیں بابا دھیاں بلاندیاں نے
کیتا اے وار قاتل جدوں ناطق قرآں تے
تعریف سی خدا دی میرے بابے دی زباں تے
اے وین پا کے بھیناں ویراں نوں چپ کرا کے گل نال لاندیاں نے
زینب نوں جد سنایا پیو شام والا حال اے
پچھیا سی رو کے زینب بابے نوں اے سوال اے
جے ماں بتول ہووے کیویں بے ردا او دھیاں بازار جاندیاں نے
قاتل دیاں رسیاں نوں تو کھولنا اے بابا
ایناں پا کے سانوں رسیاں ہائے رولنا اے بابا
نازاں دیاں نے پلیاں بابے دے سر نوں چم کے رو رو کے کہندیاں نے
حیدر دے بعد نجفی پنجتن دا گھر ویران اے
لاتھا تاج اوہدے سر توں جیہڑی مصطفی دی جان اے
اتھرو قبول ہوون سیدہ دے غم چہ جیہڑے اکھیاں وساندیاں نے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.