Haye Ali Mola
Noha Lyrics & Urdu Writeup on Imam Ali (a.s) recited by Nasir Asghar Party
وین کرے کلثوم تے زینب بابے نوں گل لا کے
امڑی وانگوں بابل سائیاں چلیا ایں رونڑے پا کے
جو مسجد وچ ظلم سی ہویا دیکھ کے عرش تے رب وی رویا
کل ایمان دے سر تے ظالم ماری ضرب سی آ کے
بن ملکہ تیرے سنگ آئی کیتی اے تعظیم خدائی
انج لگدا اے میں دوجی واری آنڑا اے رسیاں پا کے
تیری شکل دا ویر عباس اے ام البنین دی آخری آس اے
پیو پتراں نوں بن دے سہرے شگھناں نال سجا کے
چڑھ پئی خونی سرخ ہنیری آئی بقیعہ چوں امڑی میری
ہائے حسنین نوں دیکھ کے رووے سر وچ مٹیاں پا کے
تیری موت دا جو سامان اے ایہو کربل دا عنوان اے
میں ویراں دیاں لاشاں چھڈ کے جانڑا اے شام دے پاسے
نہ امڑی نہ کول وے نانا ویری لوک تے دیس بیگانہ
روندے ویر بے وارثاں وانگوں گل وچ بانواں پا کے
آخری ویلے کر اک وعدہ بابا صدقہ ماں زہرا دا
ویکھیں شام غریباں میرے رات نوں پہرے آ کے
تک زہرا دا گھر ویران اے روندا نبیاں دا سلطان اے
آیا نال بتول دے کوفے روندا خاک اڑا کے
گھر سادات دے پھوہڑی پے گئی امت خوشیاں دے وچ پے گئی
حسن حسین نے روندے ٹر پئے پیو دی میت چا کے
وچ مسجد دے خون دا ڈلنا نئی سردار کدے وی بھلنا
سجدے توں پہلاں قاتل نوں ٹریا اے سید جگا کے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.