Ek Mufti Mujhe Dosto Kal Raat Mila Tha

اک مفتی مجھے دوستو کل رات ملا تھا مہدی کا مخالف تھا یہ چہرے پہ لکھا تھا ایماں پہ میرے ضرب لگانے پہ تلا تھا میں اس کے ارادے پہ بہت دل میں ہنسا تھا کہتا تھا یہ غیبت مجھے افسانہ لگے ہے میں نے بھی کہا تو مجھے دیوانہ لگے ہے

ہر چیز نظر آئے ضروری نہیں مفتی جنت بھی نہیں دیکھی ہے ایمان ہے پھر بھی اصحاب کہف پر بھی تجھے شک نہیں کوئی پھر کیوں نہ ذہانت بھی ہنسے عقل پہ تیری تو جسکو گماں مان رہا ہے وہ یقیں ہے شیطان کا قائل تو ہے مہدی کا نہیں ہے

یہ سنتے ہی مرنے لگا وہ بغض کا مارا باز آیا نہیں پھر بھی وہ شیطان کا پیارا اک بار کیا پھر اسے ذلت نے اشارہ اور ہاتھ رکھے دل پہ وہ چلایا بچارا اس وقت بتا مجھ کو تیرا مہدی کہاں ہے میں نے کہا اللہ جہاں ہے وہ وہاں ہے

وہ کان پکڑ کر یہ پکارا ارے توبہ مہدی کو تو اللہ کے جیسا ہے سمجھتا میں نے کہا پڑھ لکھ کے بھی جاہل ہی رہے نا اللہ نہیں ہیں ولی اللہ ہیں مولا وہ پردے میں رہ کر یہ سکھاتے ہیں خدا ہے مہدی ہی زمانے کو بتاتے ہیں خدا ہے

اللہ کے بدن کا نہیں قائل مرا فرقہ ظاہر میں نہ ہاتھ اس کے نہ آنکھیں ہیں نہ چہرہ لیکن یہ خدائی جو چلانی تھی اے ملا کام اس نے یہ کچھ ہاتھوں کو کچھ آنکھوں کو سونپا اللہ کے نائب ہیں سجاتے ہیں خدائی خالق کی مدد سے وہ چلاتے ہیں خدائی

کہنے لگا اچھا یہ ہے اصل میں چکر میں نے کہا چکرانے لگے شیخ جی سن کر کہنے لگا یہ عقل سے منطق سے ہے باہر گیارہ سو برس سے ہو کوئی زندہ زمیں پر میں نے کہا کیوں عقل میں تیری نہیں آتے عیسی تو سمجھ آتے ہیں مہدی نہیں آتے؟

وہ بولا اب اتنا بھی غلو ٹھیک نہیں ہے عیسی تو نبی ہیں یہ گرو ٹھیک نہیں ہے مہدی ہیں علی پر یہ علو ٹھیک نہیں ہے میں نے کہا میں ٹھیک ہوں تو ٹھیک نہیں ہے عیسی کو جو مہدی سے بڑھاؤں تو غلو ہے وہ صرف پسینہ یہ محمد کا لہو ہے

تاثیر لہو سن کے ہوئے لال وہ حضرت کہنے لگے یہ ہاتھ میں کیا ہے ترے بدعت میں نے کہا بدعت نہیں تحریر محبت نام اس کا عریضہ یہ ہے پروانہء قسمت وہ بولا کہ حد ہوگئی ایسا بھی کہیں ہے کیوں لکھتے ہو جب خط یہ پہنچتا ہی نہیں ہے

اک لمحے کو خاموش ہوا میں بھی یہ سن کر وہ سمجھا کہ لو پھنس گیا آخر میں یہ کافر میں نے کہا دل میں کہ مدد حیدر صفدر جاری یہ تکلم ہوا پھر میرے لبوں پر جس طرح پہنچتی ہے دعا رب علا تک جاتا ہے عریضہ بھی یونہی دست خدا تک