Hussain Ka Akbar

حکم خالق ہے کے ہونا ہے نزول اکبر حسن ہی حسن نظر آئے جدھر جائے نظر سج گئے دونوں جہاں کتنا حسیں ہے منظر بچھ گیا فرش پہ جب عرش بریں تب جاکر ام لیلی کی تمناؤں کا محور اترا نور کے سائے میں شبیر کا اکبر اترا

عرش سے فرش پہ ہر رخ سے کمال آتا ہے گھر میں شبیر کے شبیر کا لال آتا ہے فرش پر بن کے محمد کی مثال آتا ہے اس کی خلقت کا جو سوچو تو خیال آتا ہے سامنے پہلے محمد کو بٹھایا ہوگا پھر خدا نے علی اکبر کو بنایا ہوگا

پائی جب آمد اکبر کی خبر زینب نے مسکراتے ہوئے کی راہ بسر زینب نے شمس کی گود میں دیکھا جو قمر زینب نے خود ستاروں سے اتاری ہے نظر زینب نے بھائی سے بولی بہن نیک سمجھ کر دیدو میری آغوش میں بھیا میرا اکبر دیدو

باپ سے بیٹے کی جب پہلی ملاقات ہوئی آنکھوں آنکھوں میں حسینوں کی حسیں بات ہوئی نور اکبر کے اجالوں میں بسر رات ہوئی دیکھا شبیر نے چہرہ تو ادا نعت ہوئی جیسا چاہا تھا ملا ہے مجھے بیٹا ویسا میرا اکبر تو نظر آتا ہے نانا جیسا

دیکھا عباس نے چہرا جو علی اکبر کا بولے اک اور سپاہی میرے لشکر کو ملا رعب آنکھوں میں نظر آیا جو اپنے جیسا کمسنی میں یہ چلن دیکھ کے غازی نے کہا کیسے تلوار چلاتے ہیں سکھاؤں گا اسے دیکھنا ثانی عباس بناؤں گا اسے

لے کے آغوش میں زینب نے کہا کیا کہنے تیرا چہرا تیری ہر ایک ادا کیا کہنے تیری آنکھوں میں نظر آئے خدا کیا کہنے خود یہ قرآن بھی دیتا ہے صدا کیا کہنے جب سے گھر آیا ہے تو حسن مثالی بن کر چاند دہلیز پہ بیٹھا ہے سوالی بن کر

دیکھو ذیشان و رضا کیسا شباب آیا ہے نوجوانی کے گلستاں میں گلاب آیا ہے اس لیے چہرہ اکبر پہ نقاب آیا ہے کوئی نا کہہ دے محمد کا جواب آیا ہے ساتھ شبیر کے اکبر جو کہیں جاتے ہیں اس کے دیدار کو یوسف بھی چلے آتے ہیں

کہا شبیر نے سجاد سے آؤ دیکھو علی اکبر کی نظر ڈھونڈ رہی ہے تم کو چھوٹے بھائی کے قریب آیا بڑا بھائی تو مسکراتے ہوئے اکبر سے کہا کیسے ہو ہے قسم حسن کی تو اتنا حسیں ہے اکبر تیرے چہرے سے نظر ہٹتی نہیں ہے اکبر