Dil mein ghame
Noha Lyrics & Urdu Writeup on Azadari recited by Tableegh e Imamia
دل میں غمِ حُسین بسائے ہوئے ہیں ہم
یوں ساری کائنات پہ چھائے ہوئے ہیں ہم
روشن کیئے جو دشتِ بلا میں حُسین نے
وہ سب چراغ دل میں جلائے ہوئے ہیں ہم
دل میں غمِ حُسین ۔۔۔
حیرت سے ہم کو دیکھ رہی ہیں بلندیاں
باطل کا ہر نشان مٹائے ہوئے ہیں ہم
دل میں غمِ حُسین ۔۔۔
اب دل نہیں ہے سینے میں اک آفتاب ہے
سینے سے کس کے غم کو لگائے ہوئے ہیں ہم
دل میں غمِ حُسین ۔۔۔
وہ اور ہوں گے جن کو ہے جنت کی آرزو
جنت ہمارا حق ہے جو پائے ہوئے ہیں ہم
دل میں غمِ حُسین ۔۔۔
بچ بچ کہ کیوں نہ گُزریں زمانے کی گردشیں
عباس کے علم کو اُٹھائے ہوئے ہیں ہم
دل میں غمِ حُسین ۔۔۔
بیٹے ،بھتیجے ،بھانجے اور بھائی مر گئے
کس کس کا داغ دل پہ اُٹھائے ہوئے ہیں ہم
دل میں غمِ حُسین ۔۔۔
روضے پہ سیدہ کے یہ زینب کے بین تھے
اماں اُٹھو کے دور سے آئے ہوئے ہیں ہم
دل میں غمِ حُسین ۔۔۔
یہ سب طُفیلِ آلِ محمد ہے اے عروج
دُنیا میںیہ عروج جو پائے ہوئے ہیں ہم
دل میں غمِ حُسین ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.