Allah Pardesiyan Nu
Noha Lyrics & Urdu Writeup on Shaam
اللہ پردیسیاں نوں وطناں تے لے آوے
بھرجائیاں دے سنگ زینب کیوں شام نوں جاوے
عابد نے بازاراں وچ او درد اٹھاڑے نے
جدوں پھپھیاں تے لوکاں نے پتھر برساوڑے نے
بیمار کوئی شالا زنجیر نہ پاوے
زینب تے رقیہ وی اج قیدناں بنیاں نے
مجمع اے لعیناں دا ہن چادراں کھسیاں نے
غازی نوں کہو آ کے اج پردے بناوے
جس پیر نے لوکاں دیاں ہائے قیداں چھڑائیاں نے
اج اس دیاں تن دھیاں بازاراں چ آئیاں نے
کوئی نہ رہیا جیہڑا اج قیداں چھڑاوے
اک ماری وچھوڑے دی رہ گئی اے مدینے وچ
جدھے ویر نے جھلنا اے پھل برچھی دا سینے وچ
جا نانے دے روضے تے وچ دیوے جلاوے
عاشور دی شب فروا قاسم نوں سجاوندی رئی
رو رو کے سکینہ وی اصغر نوں کھڈوندی رئی
خیمے چ دکھی زینب اکبر نوں سجاوے
قائم اے زمانے تے سادات دی سرداری
منظور کرے مولا اختر دی عزاداری
غم آل محمد وچ سدا اتھرو بہاوے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.