Assalam Madar-e-Abbas

ام البنین مادر عباس باوفا ام البنین آرزوئے بنت مصطفی ام البنین خواہش سلطان اولیاء ام البنین ان کا لقب نام فاطمہ ہو کر بتول آئی ہیں گھر میں بتول کے پالیں گی گود میں یہ نواسے رسول کے

ام البنین عظمت حق کا شباب ہیں عصمت کے گلستاں میں وفا کا گلاب ہیں چشم جناب زہرا کا یہ انتخاب ہیں حیدر ابوتراب یہ ام التراب ہیں بیت شرف میں نور عیاں بن کے آئی ہیں زہرا کی بیٹیوں کی یہ ماں بن کے آئی ہیں

زہرا کی بیٹیوں کا دلاسہ بنی ہیں یہ انوار کبریائی کا حصہ بنی ہیں یہ ایثار اور خلوص کا دریا بنی ہیں یہ سقائے اہل بیت کی سقا بنی ہیں یہ کونین کی وفاؤں کا ہی ترجماں کہا ان کو نبی کی بیٹی نے بیٹوں کی ماں کہا

عظمتوں میں عظمت حق کا نشان ہیں یعنی خدا کے رازوں کی یہ رازداں ہیں یہ مسجد ولا میں وفا کی اذان ہیں اللہ کی زبان کی یہ ہم زبان ہیں تھاما ہے انبیاء نے جسے مشکلات میں اللہ کا وہ ہاتھ بھی ہے ان کے ہاتھ میں

جو کچھ ملا نصیب سے بڑھ کر ملا انہیں درباں ملائکہ جہاں وہ در ملا انہیں سوچو ذرا یہ کیسا مقدر ملا انہیں زہرا کے بعد زہرا کا ہی گھر ملا انہیں ہاں وہ علی جو اوج حد ممکنات ہے اس لاشریک کی یہ شریک حیات ہے

اس کی مثال کیا ہو کہ یہ بے مثال ہے یہ ہم خیال رب کے لئے ہم خیال ہے دونوں جہاں میں صرف یہ اس کا کمال ہے بیٹا اسی کا فاطمہ زہرا کا لال ہے بنت نبی کے بچوں کا صدقہ نکال کر اس نے دیا حسین کو عباس پال کر

کھیلی ہے بنت شیر خدا اس کی گود میں آ کر سکون دیں کو ملا اس کی گود میں یہ بھی ہے اک خدا کی عطا اس کی گود میں اتری ہے سیدہ کی دعا اس کی گود میں عکاس ذوالجلال کے عکاس کے لئے یہ گود منتخب ہوئی عباس کے لئے

بنیاد عشق و صبر و رضا ڈالتی رہی غم ثانی بتول کا یہ ٹالتی رہی کردار کربلا کے لئے ڈھالتی رہی جھولی میں اپنی رب وفا پالتی رہی باطل مقدروں کے لئے پھیر کر دیا جس کو پلایا شیر اسے شیر کر دیا

قرآن اہل بیت کا یہ بھی ہیں اک ورق ان کی تجلیات منور شفق شفق ایسے ادا کیا ہے در سیدہ کا حق عباس کو پڑھایا وفاؤں کا ہر سبق کرب و بلا کا جعفر طیار کر دیا بچپن میں ہی جری کو علمدار کر دیا

کونین کی نجات ہیں عباس کی ہیں ماں واللہ پاک ذات ہیں عباس کی ہیں ماں اک حق کی کائنات ہیں عباس کی ہیں ماں حلال مشکلات ہیں عباس کی ہیں ماں ہیں منفرد زمانوں سے اپنی وفاؤں میں عباس کی بہشت ہے اس ماں کے پاؤں میں