Is tarah baad nabi bint e risalat tarpi
Noha Lyrics & Urdu Writeup on Bibi Fatema (s.a) recited by Faheem Ali
اس طرح بعد نبی بنت رسالت تڑپی
تڑپے تربت میں نبی ایسے کے تربت تڑپی
ہاتھ تسبیح کی خاطر نہ اٹھا پائی تو
تڑپا معبود فلک پہ کہ عبادت تڑپی
کوئی فریاد کہاں سنتا تھا زہرا کی وہاں
کس سے کرتی وہ بھلا جا کے شکایت تڑپی
خطبہ زہرا نے دیا حق میں فدک کے ایسا
نوک نیزہ پہ جو آئی وہ خطابت تڑپی
مصطفی سے کوئی پوچھے وہ شکستہ پہلو
کس طرح در کے تلے اس کی امانت تڑپی
بعد سرور کے محمد کی اکیلی دختر
اتنا روئی کے محمد کی وصیت تڑپی
ہاتھ فضہ نے جو پہلو سے ہٹانا چاہا
تختہ غسل پہ خاتون کی میت تڑپی
لوگ زہرا پہ ستم کرتے رہے مرضی سے
فاتح خیبر و خندق کی شجاعت تڑپی
جس گھڑی کر دیئے فاسق نے سند کے ٹکڑے
رب کے محبوب کی مسجد میں عبارت تڑپی
چند قدم چل کے وہ دربار سے پلٹی ایسے
کوفہ و شام کی راہوں کی مسافت تڑپی
نوحہ بہلول کیا ایسے دکھی زہرا نے
پردہ غیب میں توحید کی غیبت تڑپی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.