Mazloom Ki Talwar Sarwar Ke Azadar

مظلوم کی تلوار سرور کے عزادار ہے دیں کے مددگار سرور کے عزادار

اللہ نے جب خلق کے معیار بنائے جو ظرف کشادہ تھے وہ سردار بنائے سرداروں میں کچھ صاحب انوار بنائے انوار تراشے تو عزادار بنائے اب جو میرے مولا کا عزادار نہیں ہے خود سے ذرا سوچے کہ وہ بیکار نہیں ہے

تخلیق کی ترتیب میں ہیں چار عناصر سب ہیں میرے مولا کے عزادار عناصر اس واسطے ہیں صاحب اسرار عناصر خود کرتے ہیں اس بات کا اقرار عناصر نہ آگ نہ پانی سے نہ مٹی نہ ہوا سے ہم خلق ہوئے فاطمہ زہرا کی دعا سے

سچ ہے کہ نظر ہو تو ہٹے عیب نظر کا موسم تو کبھی دیکھے توحید نگر کا مغموم فضا سرخ شفق حزن سحر کا کالا ہے غلاف اس لیے اللہ کے گھر کا توحید پرستار ولی ابن ولی ہے خالق بھی عزادار حسین ابن علی ہے

کس ظرف کا حامل ہے عزادار کا سینہ نہ بغض نہ الحاد نہ اوہام نہ کینہ ہے کرب و بلا کا یہاں آباد مدینہ اس شہر میں دشوار ہے اغیار کا جینا سینے پے جو ماتم کی یہ تحریک چلی ہے سینے میں ہے دل دل میں حسین ابن علی ہے

ہم سینوں پے ماتم سے بناتے ہیں مصلے ہوتی ہے اذاں جب تو سجاتے ہیں مصلے ماتم کے جلوسوں میں بچھاتے ہیں مصلے خود اپنی زباں سے یہ بتاتے ہیں مصلے سجدوں میں بھی شبیر کو روتا ہے نمازی شبیر کا ہر ماتمی ہوتا ہے نمازی

اٹھتا ہے جو ماتم کو عزادار کا پنجہ تہذیب کے سینے پے ہے افکار کا پنجہ پانچ انگلیاں ہیں پانچ کے اقرار کا پنجہ ہر دور میں ہر ظلم کے انکار کا پنجہ اسلام کی بنیاد کا ڈھانچہ بھی یہی ہے رخسار یزیدی پہ طمانچہ بھی یہی ہے

حبدار کی آنکھوں میں ہے رحمت کے ذخیرے پلکوں میں چھپے ہیں کہیں اشکوں کے جزیرے جب کوہ بصیرت سے اترتے ہیں یہ ہیرے ہو جاتے ہیں تبدیل مقدر کے وطیرے سدرہ سے عزادار کو آتی یہ صدا ہے اس جنس کا محشر میں خریدار خدا ہے

اک اشک سے ہو جاتی ہے سانسوں کی طہارت اک اشک سے بجھ جاتی ہے دوزخ کی حرارت اک اشک سے کر سکتے ہو جنت کی تجارت اک اشک سے ہو جاتی ہے مولا کی زیارت آنکھوں کو اگر رونے کی عادت نہیں ہوگی تربت میں بھی مولا کی زیارت نہیں ہوگی