Tabarrukat e Hussaini

زمانے والو ادب سے انہیں سلام کرو تبرکات حسینی کا احترام کرو

یہ ذوالجناح یہ تابوت یہ شبیہ علم امانتیں ہیں یہ زینب کی سب خدا کی قسم انہیں سنبھال کے رکھو نہ ہونے دو برہم وگرنہ مہدی دوراں کو کیا بتائیں گے ہم بہت ہی جلد وہ پردہ اٹھانے والا ہے امانتیں ہیں یہ جس کی وہ آنے والا ہے

جو ہم جلوس میں تابوت لے کے آتے ہیں زمانے والوں کو شبیریت سکھاتے ہیں بنی اسد کے قبیلے کی حد بڑھاتے ہیں شہید امام کا تابوت یوں اٹھاتے ہیں جسے مرض ہے عقیدے کا ٹھیک ہو جائے جو کربلا میں نہیں تھا شریک ہو جائے

جو کہہ رہے ہیں تبرک گھٹا دیا جائے انہیں ہمارا عقیدہ سنا دیا جائے جو ہے وہ نام پہ شہ کے لٹا دیا جائے سمجھ نہ آئے تو یہ مشورہ دیا جائے جو بے جواز ہیں ان خواہشوں کو کم کر دو نیاز کو نہیں آسائشوں کو کم کر دو

سند ہے ناقہ صالح کا معتبر ہونا اگر نصیب ہو حجت کا ہمسفر ہونا شرف کو کم نہیں کرتا ہے جانور ہونا سو ذوالجناح سے منکر یہ سوچ کر ہونا ہر اک لحاظ سے تعظیم کے یہ قابل ہے کہ اس کا خون بھی خاک شفاء میں شامل ہے

حسینیت کی نظر میں حسینیات علم نبی کے ہاتھ سے آیا ہے ہاتھوں ہاتھ علم ہے نسب چودہ صدی سے لب فرات علم اور اب امام جو لائیں گے اپنے ساتھ علم مقصروں کا کلیجہ جلایا جائے گا جب اس کو کعبے کی چھت پر سجایا جائے گا

ہر ایک غم کا مداوا صغیر کا جھولا حیات بانٹنے والا صغیر کا جھولا کچھ اس لیے بھی ہے اعلی صغیر کا جھولا کہ ہے حسین کا جھولا صغیر کا جھولا کیا نہ رد کبھی کوئی سوالی جھولے نے ہزاروں جھولیاں بھر دی ہیں خالی جھولے نے

جہاں جہاں بھی عزائے حسین چلتی گئی وہاں وہاں کی ثقافت میں خود بھی ڈھلتی گئی کسی نے کربلا منظر کشی سے زندہ رکھی کسی نے دف پہ عزا کی کہیں سجی مہندی قبیلے عشق کے منزل کی سمت چلتے رہے حسین ایک رہا قافلے بدلتے رہے

تکلم اتنا ہے عالی مقام فرش عزا جانماز عزائے امام فرش عزا علی کی بیٹی کا ہے انتقام فرش عزا کیا ہے تو نے رسولوں کا کام فرش عزا یزیدیت میں زمانے سمٹ گئے ہوتے نہ بچھتا تو تو مصلے لپٹ گئے ہوتے