Sibt e Nabi (s.a.w.w) Jaan e Wali

یا حسینؑ یا حسینؑ یا حسینؑ قرآن اور حسینؑ کا کردار ایک ہے دونوں کے لب پہ صبر کا اظہار ایک ہے ظلمت کا ساتھ دے نہیں سکتی ہیں آیتیں حق کے سفر میں جُرات انکار ایک ہے قرآن اور حسینؑ کا کردار ایک ہے

سبطِ نبیؐ جانِ ولیؑ یعنی حسینؑ ابنِ علیؑ سبطِ نبیؐ جانِ ولیؑ یعنی حسینؑ ابنِ علیؑ

جس نے بنام کبریا, نیزے پہ بھی قرآن پڑھا

سبطِ نبیؐ جانِ ولیؑ یعنی حسینؑ ابنِ علیؑ

سجدہ نمازِ عصر کا بھولےگی کیسے کربلا کہتی ہے خود خاکِ شفا ہونٹوں پہ بس قرآن تھا سجدے میں آیاتِ خدا سجدے میں آیتِ خدا نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ

قرآن اس کی آگھاہی قرآن اس کی بندگی قرآن اس کی زندگی قرآن اس کی روشنی کیا کیا کہیں اس کی ادا کیا کیا کہیں اس کی ادا نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ

اس پر ستم کی انتہا کرتے رہے اہلِ جفا سر ہو گیا تن سے جدا رشتہ نہ ٹوٹا صبر کا قائم رہا یہ سلسلہ قائم رہا یہ سلسلہ نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ

اس میں نبیؐ کی شان ہے اس میں علیؑ کی آن ہے اس کی یہی پہچان ہے یہ خود بھی تو قرآن ہے قرآنِ ناطق ہے بجا قرآنِ ناطق ہے بجا نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ

سب نے سنا قولِ نبیؐ قرآن اور عترت میری پہنچیں گے کوثر تک یہی تعبیر بھی ان سے ملی حیرت میں ہے ارض و سما حیرت میں ہے ارض و سما نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ

اس سر بلندی کی قسم یہ سر ہوا ہرگز نہ خم ہیں ساتھ سب اہلِ حرم لیکن وہی جاہ و حشم دیکھے کوئی زخمی گلا دیکھے کوئی زخمی گلا نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ

زندہ رہےگی یہ وفا زندہ رہیں گے یہ صدا اس میں ہے خالق کی رضا پیاسوں کی ہے ہم کو عطا ہم کو ملا یہ حوصلہ ہم کو ملا یہ حوصلہ نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ

سن کر یہ غم کی داستاں ہوتے ہیں ہم گریا کناں لیکن سنیں اہلِ جہاں ہرگز نہیں دل ناتواں دیتی ہے طاقت کربلا دیتی ہے طاقت کربلا نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ

کوئی حلال ایسا کہاں دنیا نے یہ دیکھا کہاں اس طرح کا سجدہ کہاں قرآن کا لہجہ کہاں سجدے میں تھی لب پہ دعا سجدے میں تھی لب پہ دعا نیزے پہ بھی قرآن پڑھا سبطِ نبیؐ جانِ ولیؑ یعنی حسینؑ ابنِ علیؑ