Ab zindagi bhar

یہ کون ذی وقار ہے بلا کا شہ سوار ہے یہ بالیقیں حسین ہے نبی کا نورِ عین ہے لباس ہے پھٹا ہوا لہو میں ہے اٹا ہوا تمام جسم نازنیں چھدا ہوا کٹا ہوا

مگر کچھ اس ادا سے آیا فاطمہ کا لاڈلا لہو لہو ہوئی فرات اور سکوت چھا گیا کچھ ایسا رن پڑا کہ کانٹے پڑ گئے زبان پر خدا نے اس کے خون سے لکھا یہ آسمان پر

جو گھر لٹا چکا علی کا لاڈلا تو بولی کربلا حسین مرحبا خدا کے ساتھ ساتھ تیرا ذکر ہوگا اے غریب نینوا اب زندگی بھر یا حسین

کربوبلا میں دسویں محرم کا روز تھا خنجر تلے حسین نے سجدے میں سر رکھا رو کر پکاری زہرا اسے کون روئے گا دشتِ بلا میں ہاتف غیبی نے دی صدا اب زندگی بھر یا حسین۔۔۔

وہ دل بجھے ہوئے وہ ہوائیں تھمی ہوئیں وہ ایک بہن کی بھائی پہ نظریں جمی ہوئیں ارض و سماں کی سانس تھی گویا رکی ہوئی زینب کی زندگی کا خلاصہ یہ بن گیا اب زندگی بھر یا حسین۔۔۔

دن بھر اٹھا کے لاتا رہا اقربا کی لاش ہمشکل مصطفیٰ کی کبھی با وفا کی لاش قاسم سے شاہزادے گلگو قبا کی لاش عالم کو جس نے کہنے پہ مجبور کر دیا اب زندگی بھر یا حسین۔۔۔

جس کا ہجوم درد و علم سے یہ حال تھا سینہ تھا پاش پاش جگر پائمال تھا رخ پر تھا تشنگی کا دھواں دل نڈھال تھا موجوں کی اضطراب سے آنے لگی صدا اب زندگی بھر یا حسین۔۔۔

تجھ سا شہید کون ہے عالم میں اے حسین تو ہے ہر ایک دیدۂ پرنم میں اے حسین روتے ہیں دو جہان تیرے غم میں اے حسین زندہ رہے گا حلقۂ ماتم میں بھی صدا اب زندگی بھر یا حسین۔۔۔

حسین بے کفن حسین بے خطا شہید کربلا بنائے لا الہ خدا کے ساتھ ساتھ تیرا ذکر ہوگا اے غریب نینوا اب زندگی بھر یا حسین۔۔۔

ہر وار میں لعینوں نے چاہا یہ بارہا مٹ جائے اس جہان سے یہ مجلس عزا باقی رہے نہ نام زمیں پر حسین کا لیکن نبی کی بیٹی سے اللہ کہہ چکا

ہے دائمی حیات تیرے نقش پا کےساتھ یہ راز جانا دنیا دنیا نے تیری قضا کے بعد طے ہوگئی یہ بات بھی کربوبلا کے بعد حق اور یزیدیت کا رہے گا معرکہ اب زندگی بھر یا حسین۔۔۔

ہو دور کوئی علی کے بیٹے جو بات حق ہے یونہی رہے گی تیرے لہو کا یہ معجزہ ہے یہ خاک خاک شفا بنے گی انیس ہو یا دبیر کوئی لہو می جب تک ہے جوش باقی خدا نے واجب کیا ہے سب پر قلم لکھے گا زباں کہے گی اب زندگی بھر یا حسین۔۔۔

کوئی‌ عرفان ہو یا مظہر ہم اگر ہے صدا یہی لب پر قبل از کربلا خدا ہی خدا بعد از کربلا حسین حسین اب زندگی بھر یا حسین۔۔۔