Ya zahra
Noha Lyrics & Urdu Writeup on Bibi Fatema (s.a) recited by Irfan Haider
یا زہرا یا زہرا
اے میری بی بی تیرے در پہ استغاثہ ہے
تیرا ممنون میری شہزادی یہ جہاں سارا ہے
یا زہرا یا زہرا۔۔۔
تو ہمیں حفظ اور اماں دے دے
اپنی چادر کا سائبان دے دے
تیری قدرت میں کیا نہیں بی بی
تو جسے چاہے دو جہاں دے دے
یا زہرا یا زہرا۔۔۔
اے میری بی بی آنسوؤں نے دعا مانگی ہے
تیری تسبیح پڑھ کے دل نے تجھے پکارا ہے
یا زہرا یا زہرا۔۔۔
تیرا دربار وہ سخی در ہے
ہر فرشتہ جہاں گداگر ہے
تیرے مقروض آسماں والے
تیرا مقروض ہر سکندر ہے
یا زہرا یا زہرا۔۔۔
اے میری بی بی تو سخی ہے تیرے بچے بھی
ایک راہب نہیں گواہی میں جگ یہ سارا ہے
یا زہرا یا زہرا۔۔۔
فرش مجلس پہ اور مصلے پر
ہر جواں کہہ رہا ہے رو رو کر
ہم رہیں نہ رہیں مگر بی بی
تا قیامت رہے غم سرور
یا زہرا یا زہرا۔۔۔
اے میری بی بی تیرے بچوں کا غم مناتے ہیں
اپنی اولاد سے کہیں بڑھ کے غم یہ پیارا ہے
یا زہرا یا زہرا۔۔۔
قرض مقروض کا ادا کردے
مفلسوں کا نصیب وا کردے
جن کی گودی ہری نہیں بی بی
ان کو اولاد تو عطا کردے
یا زہرا یا زہرا۔۔۔
اے میری بی بی بس تو ہی مراد دیتی ہے
تیری چوکھٹ در الہی کا استعارہ ہے
یا زہرا یا زہرا۔۔۔
فرد مومن سے غم جدا کر دے
بس غم کربلا عطا کردے
بے خطا قید میں ہیں جو مومن
معجزے سے انہیں رہا کردے
یا زہرا یا زہرا۔۔۔
اے میری بی بی غم کوئی حسینیوں کو نہ دے
جو حسینی ہے تیرے بابا کو جاں سے پیارا ہے
یا زہرا یا زہرا۔۔۔
ان شہیدوں کا یہ مقدر ہے
سائبان ان کا تیری چادر ہے
ان کے سینوں پہ اے میری
بی بی
داغ ماتم نشان حیدر ہے
یا زہرا یا زہرا۔۔۔
اے میری بی بی خلد میں شہید جب جائے
تیری آواز آئے آنے دو یہ ہمارا ہے
یا زہرا یا زہرا۔۔۔
مجلس غم میں اشک برسانے
آ سکے یا نہیں خدا جانے
کیا بھروسہ ہماری سانسوں کا
اب کہاں ہم کہاں عزاخانے
یا زہرا یا زہرا۔۔۔
اے میری بی بی اشک غم تیری امانت ہے
تیری اولاد کے ہی غم نے ہمیں سنوارا ہے
یا زہرا یا زہرا۔۔۔
تجھکو امت نے یوں ستایا ہے
مرگ محسن پہ بھی رلایا ہے
تجھکو بابا کے بعد امت نے
ہائے دربار میں بلایا ہے
یا زہرا یا زہرا۔۔۔
اے میری بی بی کتنے صدمے اٹھائے ہیں تونے
جیتے جی مجھکو میری شہزادی غم نے مارا ہے
یا زہرا یا زہرا۔۔۔
تیرے دل پہ ہے جو ستم ٹوٹے
زندگی میں جو تو نے غم دیکھے
آسمان و زمیں پہ گر ہوتے
مثل شب وہ سیاہ ہو جاتے
یا زہرا یا زہرا۔۔۔
اے میری بی بی دیکھ کر تیری مصیبت کو
سارے عالم کا دل مصائب سے پارہ پارہ ہے
یا زہرا یا زہرا۔۔۔
ہے یہی مظہر عابدی کی دعا
تیرے بچوں کا غم رہے زندہ
ساتھ عرفان کے رہے جاری
تیرے صدقے میں کاروانِ عزا
یا زہرا یا زہرا۔۔۔
اے میری بی بی تیرے در پہ سر جھکاتے ہیں
ہر حسینی کا تیرے ٹکڑوں پہ ہی گزارا ہے
یا زہرا یا زہرا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.