Jab ghar gaye Kofe mein Muslim ke dulare

چھوٹے بھائی نے بڑے بھائی سے رو کر پوچھا بھیا اتنا تو بتا دو کہ کہاں ہیں بابا ہم مسافر ہیں یہاں کوئی نہیں ہے اپنا ہم کو پردیس میں اب کون سہارا دے گا ہر سمت اندھیرا ہے کہاں جائیں گے بھائی لگتا ہے ہمیں بابا نہ مل پائیں گے بھائی

دونوں بچوں کا وہاں کوئی مددگار نہ تھا صرف تنہائی تھی یاور نہ تھے غمخوار نہ تھا وہ بھٹکتے رہے در در کوئی دلدار نہ تھا کوئی دونوں کی مدد کرنے کو تیار نہ تھا تھک کر کے جو گرتا تھا کبھی چھوٹا برادر چلتا تھا بڑا بھائی اسے گود میں لے کر

رات کالی تھی اندھیرے میں وہ دونوں بچے سہمے سہمے ہوئے ایک پیڑ پہ چھپ کر بیٹھے رات بھر لپٹے تھے آپس میں وہ غم کے مارے سسکیاں لیتے تھے اور روتے تھے چپکے چپکے آہٹ جو کوئی ہوتی تھی گھبراتے تھے دونوں پتے بھی کھڑکتے تھے تو ڈر جاتے تھے دونوں

اک کنیز آئی صبح اس کو تھا پانی بھرنا اس نے معصوموں کا پانی میں جو دیکھا چہرہ دونوں بچوں سے یہ گھبرا کے اسی دم پوچھا کون ہو آئے کہاں سے ہو بتا دو اتنا دونوں نے کہا زخم بہت کھائے ہیں بی بی ہم لوگ مدینے سے یہاں آئے ہیں بی بی

نام یثرب کا سنا جب تو وہ تڑپی اک بار لے کے بچوں کو چلی گھر کی طرف وہ دلدار جا کے مالکن سے بتانے لگی سب حال زار مومنہ نے کیا شہزادوں کو رو رو کر پیار کہنے لگی ڈرنا نہ میری جان ہو دونوں آقا کے دلارو میرے مہمان ہو دونوں

مطمئن ہو گئے جس وقت کی وہ ماہ لقہ لے گئی بچوں کو حجرے میں کنیز زہرا کھانا پانی جو دیا بچوں کا دل بھر آیا سامنے نظروں کے ماں باپ کا چہرہ آیا بابا کے لیے محو بکا ہو گئے دونوں بن کھائے پیئے روتے ہوئے سو گئے دونوں

دیکھا حارث کو تو معصوم بہت گھبرائے زلفیں ظالم نے جو پکڑی تو جگر تھرائے لے چلا کھینچتا معصوموں کو ظالم ہائے مومنہ نے کہا حارث تجھے موت آجائے معصوم ہیں پردیسی ہیں ان پر نہ ستم کر حیدر کے گل تر ہیں یہ زہرا کے گل تر

ہائے مسلم کے پسر چاند ستارے دونوں خواب سے چونک کے اٹھے جو دلارے دونوں آہیں بھرنے لگے حجرے میں وہ پیارے دونوں روئے بے ساختہ تقدیر کے مارے دونوں رونے کی صدا سن کے اٹھا حارث ملعون خنجر لیے حجرے میں گیا حارث ملعون

کتنا ملعون تھا حارث کو ترس نہ آیا مومنہ کی نہ سنی ایک اسے قتل کیا بال بچوں کے پکڑ کر وہ ستمگر نکلا بچے کہتے تھے ہمیں مار کے کیا پائے گا درہم و گنج دلوائیں گے جتنا تو بتا دے لے چل کے مدینے ہمیں اماں سے ملا دے

لے کے ملعون یتیموں کو نہر پہ پہنچا تیغ معصوموں کو دکھلا کے وہ ظالم بولا تم ہی بتلاؤ گلا کاٹوں میں پہلے کس کا چھوٹے بھائی نے گلا اپنا بڑھا کر یہ کہا میں دیتا ہوں سر تیغ ادھر موڑ دے حارث بس میرے بڑے بھائی کو اب چھوڑ دے حارث

پھر بڑے بھائی نے چھوٹے کو ہٹایا بڑھ کر رکھ دیا اپنا گلا تیغ کے نیچے جا کر بولا حارث سے کہ احسان یہ کرنا مجھ پر میرے بھائی کو دکھا کر نہ چلانا خنجر ملعون تھا بے دین تھا وہ دشمن حیدر سر کاٹا بڑے بھائی کا چھوٹے کو دکھا کر

چھوٹے بھائی نے لہو بھائی دیکھا جس دم لوٹ کر خون میں بھائی کہ وہ تڑپا پر غم دیکھ کر سوئے نہر کہتا تھا کہ ہائے ماتم بھائی ٹھہرو کے ذرا دیر میں آتے ہیں ہم یہ دیکھ کے ملعون نے تلوار چلائی اور ہو گئی بیکس کے سر و تن میں جدائی

سر کو جب کاٹ چکا تن کو نہر میں ڈالا چھوٹے بھائی کی طرف بھائی کا لاشہ آیا ہائے شہزادوں کا آپس میں جو لپٹا لاشہ دونوں مظلوموں کی مظلومی پہ رویا دریا واعظ جو ستم دونوں یتیموں پہ ہوا ہے اس ظلم کو لکھ کر کے قلم کانپ رہا ہے