Sakina Kahani Suno

اس کے بابا کو در علم کہا جاتا تھا ماں نے شہزادی کونین لقب پایا تھا اس کے بیٹوں میں نظر عکس نبی آتا تھا بیٹیوں کو گل پاکیزہ کہا جاتا تھا اس کے اک بھائی کی رگ رگ میں وفا رہتی تھی اک بہن ساتھ میں سائے کی طرح رہتی تھی

اک شہنشاہ تھا یثرب میں رہا کرتا تھا اس کا گھر وہ تھا کہ قران جہاں اترا تھا در پہ جبریل سا دربان رہا کرتا تھا اس کا انگن بھی ستاروں سے بھرا رہتا تھا اس کے دروازے سے خالی نہ کوئی جاتا تھا اسماں اس کی سخاوت کی قسم کھاتا تھا

سیاہ رات میں زنداں کے در پہ رو رو کے سکینہ کہتی ہے اے بابا یہ شب ستاتی ہے جدائی آپ کی اس پر یہ خاک کا بستر کہیں اندھیرے میں بچوں کو نیند آتی ہے یہ سن کے زینب مظلوم بولی غم نہ کرو کہانی کہتی ہوں میں اک سنو سکینہ سنو

خیمے جلنے لگے نزدیک ستمگر آئے اس شہنشاہ کی بچی نے طمانچے کھائے کان زخمی ہوئے خوں آنکھوں سے ٹپکا ہائے ڈھونڈنے باپ کو مقتل میں وہ کیسے جائے جلتے دامن کو لیے گنج شہیداں میں گئی رسی گردن میں بندھی شام کے زنداں میں گئی

اس کے ایک بیٹے کے سینے میں سناں ٹوٹ گئی بھائی کے ہاتھ کٹے تیر لگا مشک چھدی لاش پامال بھتیجے کی بھی مقتل میں ہوئی بے زباں قتل ہوا اس کا چھری اس پہ چلی اس شہنشاہ کے کنبے پہ غریبی چھائی بجھ گئے سارے دیے شام غریباں آئی

ایک دن کیا ہوا وہ گھر سے سفر پر نکلا اس کا سب کنبہ بھی قران کی حفاظت کو چلا اشقیا نے اسے پھر دشت بلا میں گھیرا تین دن تک اسے پانی بھی میسر نہ ہوا ہوگئی عام ہر اک جور و جفا اس کے لیے اور پھر جنگ کا میدان سجا اس کے لیے

جس کو سینے پہ شہنشاہ کے نیند آتی تھی دشت میں ہائے چچا کہہ کے جو چلاتی تھی جس کے کانوں سے لہو بہتا تھا جو پیاسی تھی اپنے بابا کی جدائی میں مری جاتی تھی اس شہنشاہ کی بیٹی وہ سکینہ میں ہوں جس کا دشوار ہوا قید میں جینا میں ہوں

بولی رو رو کے سکینہ یہ میرا قصہ ہے اس کہانی کا شہنشاہ میرا بابا ہے نیزہ جس کے لگا سینے میں میرا بھیا ہے میرا اصغر ہے لعینوں نے جسے مارا ہے بے ردا تم ہو پھوپھی جان میری جاتی ہے یہ کہانی تو میرے گھر کی نظر آتی ہے

پھر سکینہ نے کہا رہتے ہیں وہ لوگ کہاں بولی زینب کہ ہوئے سب وہ اسیر زنداں قصہ آخر ہوا نیند آئی نہ تم کو میری جاں بولی رو رو کے سکینہ پھوپھی اب نیند کہاں تم تو کہتی تھی کہانی سنو نیند آتی ہے اس کہانی سے میری نیند اڑی جاتی ہے

تھامے زنجیر نقاہت سے اٹھا اک قیدی وا حسینا کا بس اک شور بپا ہوتا تھا

وہ جو سنتی تھی کہانی وہ سکینہ نہ رہی سر شہنشاہ کا گودی میں لہو روتا تھا

ختم جب سرور و ریحان کہانی یہ ہوئی ایک ننھی سی لحد کانپتے ہاتھوں سے بنی