Sajjad Bhira Main Mar Diyaan
Noha Lyrics & Urdu Writeup on Bibi Sakina (s.a) recited by Wajeeh Hasan Zaidi
توں سوچ تے سہی زندان دے وچ مینوں کیوں نیندر آ جاوے
کتھے گود نرم کتھے ریت گرم تیری بھینڑ توں سمیا جاندا نئیں
دم رکدا اے ساہ ٹہڈا اے کیوں آ کے درد ونڈاندا نئیں
میرے کن زخمی میرا گل زخمی کیوں کوئی مرہم لاندا نئیں
سجاد میرا دل چاہندا اے اصغر نوں گود کھڈاواں میں
میں روندی آں گرلاندی آں کیوں چھوٹا ویر ملاندا نئیں
توں جانڑدا ایں سجاد بھرا میری تلیاں دے وچ چھالے نئیں
ہتھکڑیاں والے بازواں تے کیوں میں دکھیا نوں چاندا نئیں
جدوں امت خیمے ساڑے سنڑ میں رو رو واجاں ماردی ساں
میرے برقعے دی میرے کرتے دی کیوں اگ چن ویر بجھاندا نئیں
میں جانڑدی آں میری ماں عابد ہنڑ تک دھپاں تے بیٹھی اے
اوس اجڑی نوں میری امڑی نوں کیوں چھاں تے ویر بٹھاندا نئیں
میں تھکی ہوئی پیدل سفراں دی مینوں درد نے بہت ستایا اے
نہ اٹھ سکدی نہ ٹر سکدی کیوں پھپھیاں کول بٹھاندا نئیں
مینوں خواب چ قاتل بابے دا ہر روز طمانچے ماردا اے
اوس ظالم نوں اوس قاتل نوں کیوں میتھوں دور ہٹاندا نئیں
میں تیریاں شام دے سفراں وچ تلیاں چوں خاراں کڈھدی رہی
میرے دیکھ زخم میرے دیکھ ورم کیوں مینوں جھولی پاندا نئیں
میں شمر توں لک کے روندی آں ہائے ٹیاں تے پئی سوندی آں
میرے رونڑ نوں میرے سونڑ نوں کیوں ویر آسان بنڑاندا نئیں
میں دھی آں پیاسے بابے دی میری قبر چ پائڑی آگیا اے
میری قبر کولوں میری نظر کولوں کیوں پائڑی دور لے جاندا نئیں
چولے دا کفن ہوا دیویں زندان چ قبر بنڑا دیویں
جیویں توں دفنا سیں بھینڑ اپنڑی انج میتاں کوئی دفناندا نئیں
ایہہ گل توقیر سکینہ دی بیمار نوں خون رواندی رہی
اے زین العبا کربلا کے راجا کیوں مینوں وطن پہنچاندا نئیں
زندان دی ایس تنہائی وچ میں ڈر ڈر نیر وہاندی آں
غیور بھرا مجبور بھرا کیوں بھینڑ نوں آ بہلاندا نئیں
ہر موڑ پہ تیری بہنوں کو مارے ہیں طمانچے ظالم نے
میں پیاسی ہوں اور پانی وہ میرے سامنے آ کے گراتا ہے
وہ ظالم جس نے اے بھیا تری کمر پہ کوڑے مارے ہیں
وہ میرے سامنے کوڑے کو ہنستا ہے اور لہراتا ہے
بوڑھوں کے جیسے گال میرے اب نیلے پر گئے ہیں بھیا
نہ مار تو شمر سے کہہ بھیا اب کیوں ملعون ستاتا ہے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.