Hayya Alal Ghadir

تھا قافلہ سفر میں دعائے خلیل کا باقی تھا اہم کام ابھی جبرائیل کا کامل نہ تھا تعارف الہی سبیل کا پیغام نا تمام تھا رب جلیل کا آخر نبی کو آیت مسعود مل گئی اہل ولا کو منزل مقصود مل گئی

تخلیق کائنات کے پل سے غدیر تک آواز کن فکاں کے محل سے غدیر تک کیا کیا نہ دیکھے وقت نے جلسے غدیر تک ایسا مگر نہ دیکھا ازل سے غدیر تک صحرائے خم میں عرش کے سارے مکیں ہے آج لگتا ہے آسمان کے اوپر زمیں ہے آج

میں مصطفی ہوں اور میری تصویر ہے علی میں ہوں کتاب حق میری تفسیر ہے علی میں پیکر دعا میری تاثیر ہے علی میں دین کی سپر میری شمشیر ہے علی سایہ ہوں میں علی کا علی میرا سایہ ہے لا شہ سے لاشریک نے ہم کو بنایا ہے

بولے نبی کہ عین فضیلت کا وقت ہے نفس خدا کے در پہ عبادت کا وقت ہے وجہ خدا کے رخ کی زیارت کا وقت ہے دست خدا کے ہاتھ پہ بیعت کا وقت ہے جلدی کرو کہ آج یہ مہلت تمام ہے ورنہ تمہاری کل سے عبادت حرام ہے

دین خدا اطاعت حیدر کا نام ہے صوم و صلوۃ سیرت حیدر کا نام ہے ایمان کیا ہے الفت حیدر کا نام ہے قرآن کیا ہے مدحت حیدر کا نام ہے میرا نہیں بیان یہ رب جلی کا ہے ملعون ہے وہ شخص جو منکر علی کا ہے

ہر فعل ہر عمل میں مرا رازداں علی ہر گام ہر قدم پہ مرا پاسباں علی معراج کے سفر میں مرا سائباں علی میں مہماں تھا رب کا مگر میزبان علی اپنی کبھی زباں کبھی چہرہ بنا لیا رب نے بھی مرتضی کو وسیلہ بنا لیا

آیا نظر جو دشمن کعبہ غدیر میں اللہ نے نبھا دیا وعدہ غدیر میں پتھر تھا اور سر تھا عدو کا غدیر میں گویا اتارا فیل کا سورہ غدیر میں اک ابر ہائے وقت تھا سنگسار کر دیا منکر غدیر خم کا تھا فی النار کر دیا

سن لو کہ کائنات کا قبلہ ہے مرتضی یہ جان لو کہ کعبے کا کعبہ ہے مرتضی پہچان لو کہ حق کا اجالا ہے مرتضی میری طرح ہر ایک کا مولا ہے مرتضی منکر علی کے کلمہ توحید چھوڑ دے رحمان سے بھی رحم کی امید چھوڑ دے