Allah Akbar Bas Moula Haider

جناب حیدر کرار، ساقیء کوثر امام رونق محراب، زینت منبر خدیو حور و ملک، بادشاہ جن و بشر جہاں پناہ، یداللہ، قاتل عنتر بڑے بڑے صنموں کو بگاڑنے والے کھڑے کھڑے در خیبر اکھاڑنے والے

اللہ اکبر بس مولا حیدر کعبے کا گوہر بس مولا حیدر

واقف ہوئے ہیں رمز بقاء سے لا فتا کی سیراب ہو کر جام ولا سے نعرہ لگاتے ہیں مقداد و بوذر بس مولا حیدر بس مولا حیدر

تو شان آیات هل اتی تو اختر برج لافتا تو قل کفائی تو انما ساقیء کوثر بس مولا حیدر

یاعلی حب شما شیره ی ایمان من است سیره و سنت تو معنی قرآن من است من گدایی ز گدایان تو هستم آقا خاک نعلین شما سرمه ی چشمان من است مولاء قنبر بس مولا حیدر بس مولا

عشق علی نے یہ راز کھولے در پہ نبی کے سلمان بولے فاروق اعظم صدیق اکبر شافع محشر بس مولا حیدر

اللہ اکبر بس مولا حیدر کعبے کا گوہر بس مولا حیدر

مولود کعبہ شیر خدائی تو بادشاہ ارض و سمائی تو مظہر نور کبریائی اے ذرہ پرور یا مولا حیدر بس مولا حیدر بس مولا حیدر

ہے وہ کلیم، عرش بریں جس کا طور ہے خورشید دیں ہے، ایمن ایماں کا نور ہے ہر سمت ذات پاک کا اس کی ظہور ہے ہے جو علی سے دور وہ رحمت سے دور ہے ہے راست پر وہی جسے حیدر سے راہ ہے

کس کو ملا ہے علم لدنی کس نے کیا اعلان سلونی جب ہم نے پوچھا بولا یہ منبر ہے سب کا رہبر بس مولا حیدر اللہ اکبر بس مولا حیدر حب علی نہ ہو تو عبادت گناہ ہے

سردار دیں، امیر عرب، مرتضی علی عالی نسب، بلند حسب، مرتضی علی ایجاد آسماں کا سبب، مرتضی علی معشوق خلق، عاشق رب، مرتضی علی صاحب کہو، ولی کہو، مشکل کشا کہو سب کچھ کہو مگر نہ علی کو خدا کہو

اللہ اکبر بس مولا حیدر کعبے کا گوہر بس مولا حیدر

شیر خدا کا یہ معجزہ ہے کہ بچنے سے ہی دست خدا ہے دست علی سے، ٹکڑوں میں بٹ کر کہتا تھا اژدر بس مولا حیدر اللہ اکبر بس مولا حیدر

دشمن علی کا ہے دشمن خدا کا کردار خم میں بھی تھا ابرھا کا آکر فلک سے حارث کے سر پر بولا یہ کنکر بس مولا حیدر اللہ اکبر بس مولا حیدر

سلامی ذرہ نہ دوں آفتاب کے بدلے نہ لوں میں عرش در بوتراب کے بدلے جو بے ولائے ائمہ ہیں صرف صوم و صلات انہیں عذاب ملے گا ثواب کے بدلے دبیر مجھ کو جو آٹھوں بہشت دے رضوان نہ لوں میں ایک در بوتراب کے بدلے

ضرب علی کے دنیا ہے صدقے دونیم مرحب کے کرتا ہے ٹکڑے شیر غضنفر، قاتل عنتر فاتح خیبر بس مولا حیدر اللہ اکبر بس مولا حیدر

اللہ اکبر بس مولا حیدر کعبے کا گوہر بس مولا حیدر

یہ شمس مولا ہے تیرا گداگر مغرب سے بتلا رہا ہے پلٹ کر تیری حکومت ہے ارض و فلک پر ہے نور داور بس مولا حیدر