Moula Ghadeer Ka

کیسے اثر نہ خون میں ہوگا غدیر کا دل میں ہمارے بستا ہے مولا غدیر کا

دین خدا کو عشق علی نام مل گیا کتنا حسین تر ہے خلاصہ غدیر کا

پتھر ہیں آسمان کے قبضے میں اور بھی انکار بس یہ سوچ کے کرنا غدیر کا

مفتی کو قید کر کے اسی کی دکان میں دل چاہتا ہے مار دوں تالا غدیر کا

وہ مے پلا کے جس میں نبوت کی بو ملے آدم کو جس سے کھوئی ہوئی آبرو ملے جس کا نشہ نجات کا سامان ہو گیا جس کے نشے میں حسن امامت کی خو ملے میں بھی پیوں تو مجھ کو خدا روبرو ملے سلمان پی کے فخر سلیمان ہو گیا

اترا نہ اس کے دل سے خمار ولا کبھی ساقی نے جس کو جام پلایا غدیر کا

میثم نے دار پر کہا سبحان یا علی واللہ نشہ ہے کتنا ہی اعلی غدیر کا

سب بیشمار آنے لگیں گے شمار میں محفل میں دیکھو چھیڑ کے قصہ غدیر کا

کیسے چبھے نہ چشم منافق میں سوچئے یہ سارے ماتمی ہیں قبیلہ غدیر کا

محشر کی جون فکر ہے کیا تم ہو ماتمی سینے پہ تم نے کھینچا ہے نقشہ غدیر کا