Islam Sara Sadqa E Muslim Hai Momeno

مسلم کے ساتھ آئے تھے مسلم کے لاڈلے لیکن یہ ظلم دونوں پدر سے بچھڑ گئے جو راہبر ہیں خضر کے وہ دربدر ہوئے جس جا قدم اٹھے اسی رستے پہ چل دیے کچھ دیر رک کے دونوں نے دم اپنا بھرنا تھا لیکن لعیں نے بھائیوں کو قید کرنا تھا

پیاسا شہید کر دیا مسلم کو عید پر لاشہ پھرایا گلیوں میں اس کا ادھر ادھر کوئی علی کی بیٹی کو جا کر کرے خبر لو آج لوگوں ٹوٹی ہے عباس کی کمر عباس کو حسین نے منظر دکھایا ہے مسلم کا لاشہ چھت سے زمیں پر گرایا ہے

داروغہ نے جو قیدیوں کے چہرے کو تکا چہرے کا نور نور محمد سا ہی لگا پوچھا جو خاندان تو دونوں نے یہ کہا حیدر کے ہم نواسے ہیں کچھ رحم ہم پہ کھا سن کر علی کا نام وہ قدموں میں گر گیا دے کر رہائی ظلم کی راہوں سے پھر گیا

زنداں میں قید ہو گئے مسلم کے گلبدن بھوک اور پیاس سے ہوئے دونوں کے خستہ تن پیروں میں بیڑیاں ہیں تو ہاتھوں میں ہے رسن ہائے خزاں کی زد پہ رقیہ کا ہے چمن مرجھانے لگ گئے ہیں یہ غازی کے پھول ہیں مسلم کے لعل فدیہ ابن رسول ہیں

غش سے افاقہ ہوتے ہی گھر لائی دونوں کو کہنے لگی تم آل محمد ہو تو سنو خدمت کا اس کنیز کو موقع ہی بخش دو میں پانی لے کے آتی ہوں تم دونوں وہ پیو اتنے میں آیا حارث بد خو عذاب میں بد مست تھا وہ بغض علی کی شراب میں

زنداں سے جب چھوٹے تو وہ تھا وقت نیم شب اک در پہ آ کے رک گئے دونوں ہی جاں بلب آواز سن کے گریے کی نکلی کنیز رب دونوں سے پوچھا پیار سے رونے کا کیا سبب مسلم کا نام لیتے ہی غم سے بکھر گئے غش کھا کے یوں گرے کہ لگا کوچ کر گئے

کر کے ستم بھی چین سے بیٹھا نہ بدچلن ملعون تھا وہ خار کہ پھولوں سے تھی چہن تلوار تیز کرنے میں وہ ہو گیا مگن اور خوں سے لال ہو گئے بچوں کے پیراہن دم رک گیا تھا سینے میں چہرے بھی زرد تھے تھے زخم تازہ اور بدن ان کے سرد تھے

آواز آئی کان میں بچوں کے رونے کی حجرے میں دیکھا دونوں کو حالت بدل گئی کھینچا پکڑ کے زلفوں سے دونوں کو اس گھڑی اس ظلم پر بھی کیسے قیامت ٹھہر گئی دالان تک وہ کھینچ کے دونوں کو لاتا ہے رخسار پر لعین طمانچے لگاتا ہے

تلوار کو ہوا میں گھمایا لعین نے دونوں یتیم خوف سے تھرا کے رہ گئے دونوں بیک زبان یہ حارث سے کہہ اٹھے سر دونوں کے وہ ساتھ ہی تن سے جدا کرے ٹھکرا کے ان کی بات یوں مارا لعین نے ایک ایک کر کے سر کو اتارا لعین نے

دریا کے پاس دونوں کو لے آیا وہ لعین بچے جو کانپتے تھے تو تھراتی تھی زمین یہ رات آخری ہے یہ دونوں کو تھا یقین شکر خدا میں خاک پہ رکھ دی گئی جبین بکھرے ہوئے ستاروں کو دیکھا زمین پر حارث نے دونوں بچوں کو کھینچا زمین پر

احسان بعد ظلم عجب سانحہ ہوا دریا میں جونہی لاشوں کو اس نے بہا دیا لاشے بھی دونوں بچوں کے ہوتے نہیں جدا کچھ دور پہنچے لاشے تو اک نور چھا گیا دو ہاتھ نکلے دریا سے لاشوں کے واسطے نانا کا پیار ہے یہ نواسوں کے واسطے