Bheinr Teri Ujar Gayi Ghazi
Noha Lyrics & Urdu Writeup on Hazrat Abbas (a.s) recited by Abbas Haider Lalji
آکھے زینب اے سر چہ پا مٹیاں بھیڑ تیری اجڑ گئی غازی
دکھ تے بھل جاواں گی میں قیداں دے موت بھل سکدی نئی تیری غازی
بعد تیرے بڑا روایا اے قاتلاں نے تیرے ستایا اے
چین دی نیند تیرے بعد کدی بھیڑ تیری نہ سو سکی غازی
وچ بازاراں مینوں پھراندے رہے مار کے نیزے ہائے ٹراندے رہے
گھر چوں جیہڑی کدے نہ نکلی سی سولاں سو میل او ٹری غازی
لاش تیری تے جد میں آئی ساں قیدی ساں اونٹھ توں لہہ نہ پائی ساں
جیویں ڈگیا سیں ہائے زین توں توں میں وی ناقے توں انج ڈگی غازی
ویراں باہجوں نے بھیڑاں کنج جیون مک گئے مانڑ بھیڑ دے ویرن
بہہ کے ہنڑ خالی ویہڑیاں دے وچ رونڑاں میں ساری زندگی غازی
ویکھ اٹھ کے قبر چوں حال میرا خون دے نال بھر اے لال میرا
تینوں پتھراں دیاں بارشاں وچ یاد رو رو کے کردی رہی غازی
توں نہ تک سکیاں بے ردا مینوں غم اے نیزے تے سی بڑا تینوں
کاش زینب اے تینوں دس سکدی سر توں چادر کیویں لتھی غازی
شمر تک تک کے مینوں ہسدا رہیا بھیڑ تیری نوں اوہنے باغی کہیا
رویا سجاد میرے ول تک کے تیرے سر ول میں تکدی رہی غازی
اے اسد وینڑ کردی رہی بی بی گل سنڑاواں میں کی سکینہ دی
قید کوڑے طمانچے سہہ سہہ کے مر گئی تیری لاڈلی غازی
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.