Teri qabr pe saaya
Noha Lyrics & Urdu Writeup on Bibi Fatema (s.a) recited by Kazmi Brothers
السلام علیک یا محرومہ
السلام علیک یا مظلومہ
حسرت ہے ماتم داروں کی
یا محرومہ یا مظلومہ
تیری قبر پہ سایہ ہو جاے
ہو پرسہ تیری تربت پہ
آباد بقیہ ہو جاے
تیری قبر کی غربت پہ بی بی
بے چین رسالت روتی ہے
ہے باپ کی تربت ساے میں
اور دھوپ میں بیٹی سوتی ہے
دن رات جو درد سے جلتا ہے
دل باپ کا ٹھنڈا ہو جاے
تیری قبر پہ سایہ۔۔۔
حسرت ہے۔۔۔
زخمی ہے بدن زخمی ہے کفن
یہ اجر رسالت چھوڑا ہے
پہلے جو شکستہ پہلو تھی
کیوں اسکی قبر کو توڑا ہے
اب ختم رسول کے بیٹی پہ
یہ ظلم خدایا ہو جاے
تیری قبر پہ سایہ۔۔۔
حسرت ہے۔۔۔
مخدومہ شام کے قیدی بھی
تیری قید کا ماتم کرتے ہیں
موسیٰ کاظم اور معصومہ
دن رات یہ نوحہ پڑھتے ہیں
تیری قبر پہ ہے جو مدت سے
اب ختم یہ پہرہ ہو جاے
تیری قبر پہ سایہ۔۔۔
حسرت ہے۔۔۔
دروازہ جلا اک بار مگر
صدیوں سے تربت جلتی ہے
تجھ پر جو شام غریباں ہے
بجھتی ہے اور نہ ڈھلتی ہے
تجھ پر جو شب عاشور کی ہے
اب اس کا سویرا ہو جاے
تیری قبر پہ سایہ۔۔۔
حسرت ہے۔۔۔
جس نے بھی تجھے تڑپایا ہے
اب اس پہ قضا کا وار چلے
ہر مجرم پہ ہر ظالم پہ
تیرے مہدی کی تلوار چلے
سادات کا اجڑا گھر اب تو
آباد دوبارہ ہو جاے
تیری قبر پہ سایہ۔۔۔
حسرت ہے۔۔۔
قم کربوبلا مشہد کی طرح
تعمیر تیرا روضہ دیکھیں
تیری ظلمت پہ گریہ دیکھیں
تیرے روضے پہ پرسہ دیکھیں
مظلوم امام زمانہ کا
ارمان یہ پورا ہو جاے
تیری قبر پہ سایہ۔۔۔
حسرت ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.