Aa Gayi Karb-o-Bala Qafila Roko Ghazi

راہوار حسینی جب ٹھہرا اور ایک قدم آگے نہ بڑھا کچھ خاک اٹھا کے ہاتھوں میں عباس سے یہ مولا نے کہا سر اپنا یہاں کٹوائیں گے اس خاک پہ ہم سو جائیں گے آگئی کرب و بلا قافلہ روکو غازی بس سفر ختم ہوا یہی مقتل ہے میرا قافلہ روکو غازی

اپنی منزل سے کہیں آگے نہیں جانا ہے ہم کو سجاد نے بھائی یہیں دفنانا ہے روتی بہنوں سے ہمیں یہیں ہونا ہے جدا قافلہ روکو غازی

سن کے زہرا کی بکا جان چلی جاتی ہے اس زمیں سے تو میرے خون کی بو آتی ہے ماں کی آتی ہے صدا دل بھی کہتا ہے میرا قافلہ روکو غازی

یہ زمیں پاؤں پکڑتی ہے میرے رک جاؤ سر کھلے آئے تھے جبریل ابھی رک جاؤ اے سکینہ کے چچا آگیا امر خدا قافلہ روکو غازی

سونگھ کر خاک کو ایسی ہوئی رقت طاری اناللہ ہوا شہ کے لبوں سے جاری سجدہ شکر کیا مڑ کے بھائی سے کہا قافلہ روکو غازی

دیکھو وہ چاند مجھے ایسے ہی خم ہونا ہے اس ترائی میں میرا بازو قلم ہونا ہے خوں میں ڈوبے گا یہاں اک بھتیجی کا چچا قافلہ روکو غازی

مقتل عشق کی جو مانگے وہ قیمت دے دو یہ زمیں نام پہ ہم شکل نبی کے لے لو کون بستا ہے یہاں پوچھ لو جا کے ذرا قافلہ روکو غازی

چھ مہینوں سے سفر میں ہے مسلسل اصغر کان میں کہہ دے کوئی آگیا اب آخری گھر تیر کھائے گا یہاں وہ میرا ماہ لقا قافلہ روکو غازی

نام تم کرنا رقم سارے عزاداروں کے اس جگہ آئیں گے اب قافلے زواروں کے میرا ماتم ہو گا آئیں گے اہل عزا قافلہ روکو غازی

ایک وہ دن تھا تکلم کہ علی کی بیٹی بے ردا گیارہ محرم کو یہاں سے جو چلی رو کے دیتی تھی صدا دختر شیر خدا قافلہ روکو غازی