Nana Teri Ummat Ne Lut Liyan Ne Radawan
Noha Lyrics & Urdu Writeup on Bibi Zainab (s.a)
نانا تیری امت نے لٹ لیاں نے رداواں
نا ہوندی اینج میں بے پردہ غازی دیاں ہندیاں بانواں
میں شام بازاراں وچ رو رو کے کیندی رئیاں
نئی ویر میرا باغی خطبے سناندی رئیاں
دھی میں بتول دی زینب دربار چہ کیویں جانواں
مجمع شرابیاں دا فضہ دے اولے رئیاں
بے وارثاں دے وانگوں ویرن میں روندی رئیاں
لٹیا اے اینج مسلماناں وسدی ساں نال بھراواں
نیزے اتے تلاوت قرآن دی اے کیتی
ایسی نماز مولا تیراں دے ہیٹھ نیتی
شبیر نے خریدیاں نے اللہ دیاں سن جو رضاواں
زنجیراں نے جھکایا غیرت نے لہو روایا
رب جانے، جانے عابد کیویں او شام آیا
غش کھاوے دیکھ کے مینوں اینوں کیویں ہوش کراواں
بے کفن لاش تیری ہائے کربلا چہ رہ گئی
تینوں چھڈ کے شام ٹر گئی صدمہ اے کیویں سہہ گئی
جے ہوندا وس میرے ویرن تیرا چہلم آپ کراواں
زینب دی بے بسی دا تینوں مولا واسطہ اے
ادنی جیا امانت کردا اے التجا اے
طاہر تے روز محشر نوں علماں دیاں ہوون چھاواں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.