Wahan Pe Rota Hai Khoon Ab Bhi Aasman Hussain
Noha Lyrics & Urdu Writeup on Imam Hussain (a.s) recited by Rizwan Zaidi, Sajjad Zaidi
وہاں پہ روتا ہے خوں اب بھی آسمان حسین
جہاں پہ لوٹا گیا تیرا کاروان حسین
جہاں پہ پیاس سے بے شیر تیرا روتا رہا
جہاں پہ ننھے مجاہد کے تیر مارا گیا
جہاں پہ قطع ہوا تھا ترا بیان حسین
لگی تھی سینہ اکبر پہ جس جگہ برچھی
جہاں پہ ڈوب گئی خون میں شبیہ نبی
جہاں پہ قتل ہوا تیرا نوجوان حسین
جہاں پہ ٹکڑوں میں بکھرا ہوا تھا اک دولہا
جہاں پہ سہرا پڑا کر رہا تھا واویلا
جہاں اجڑ گیا کبری کا گل جہان حسین
جہاں ہوئے تھے ترے بھائی کے قلم بازو
جہاں کیا تھا علمدار نے لہو سے وضو
جہاں ہوا تھا ترا شیر نیم جان حسین
جہاں پہ کوئی نہ تھا آسرا غریبوں کا
جہاں پہ چھن گئی سیدانیوں کے سر سے ردا
جہاں تھا نوحہ کناں تیرا خاندان حسین
جہاں پہ ختم ہوا تھا حسین تیرا سفر
جہاں پہ خشک گلے پر ترے چلا خنجر
جہاں مٹایا گیا تھا ترا نشان حسین
جہاں پہ گوہر غم تشنہ لب تھے سہے ہوئے
جہاں طمانچے لگے تھے تری سکینہ کے
ترے یتیم جہاں پر تھے بے امان حسین
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.