Ana Ali

ایسے آئے علی اکبر سر میدان وغا جیسے بدلی سے نیا چاند نمودار ہوا جیسے تصویر محمد سے اٹھا ہو پردہ جیسے حیدر کی جوانی کا چلن جلوہ نما یک بیک صل علی نعرہ اکبر گونجا

نام اکبر علی اکبر ہے میرا میں حسین ابن علی کا بیٹا ہوں کھا رہا ہوں قسم بیت اللہ ہم کو حاصل شرف خون نبی

بد نسب ہم پہ حکومت کرتا ہے نہ ہوا ہے نہ کبھی ہو سکتا واللہ واللہ ابا عبداللہ میں فدا تم پہ الحسین ابن علی

شامیوں اب میرا حملہ دیکھو ضربت سید والا دیکھو میری تلوار کا چلنا دیکھو ضربت ہاشمی ضرب علوی

کہہ کے یہ فوج میں ڈوبا وہ شجائے ازلی نعرہ زن تھا کہ انا ابن حسین ابن علی تیر چلنے لگے نیزے چلے تلوار چلی برق شمشیر دو دم سے صف کفار جلی کس طرح لڑتا ہے ہم شکل پیمبر دیکھو آج شمشیر حسینی کے بھی جوہر دیکھو

پلٹے میدان سے وغا کرتے ہوئے آ کے بابا سے یہ اکبر بولے تھوڑا پانی میرے بابا جو ملے دیکھنا پھر سے میری تیغ زنی

بولے شہ سوکھی زباں دکھلا کر منہ میں رکھ لو یہ انگوٹھی اکبر ایسا شربت تمہیں دیں گے حیدر جس کو پی کر تمہیں کہنا ہے یہی

رن میں جا کر وہ بہت دیر لڑے چار جانب سے عدو ٹوٹ پڑے نوبتیں بجنے لگیں جب وہ گرے اک صدا گونجی ابا ادرکنی

سن کے آواز پسر شہ دوڑے کھائی ٹھوکر کبھی گر کر سنبھلے گھٹنیوں چلتے ہوئے جب پہنچے علی اکبر کی یہ آواز سنی

کیا کرے اب تیرا بابا جی کر خاک دنیا ہے تیرے بعد اکبر نوحہ جاری تھا ریحان و سرور رن میں روتی تھی صدائے زخمی