Hussain Razi Rahay

حیدر کا معجزہ حسین زہرا کا مہ لقا حسین مفہوم کربلا حسین ہے حق کا رہنما حسین تفسیر انما حسین ذکر میں فکر میں رہتا ہے حسین ذہن میں قلب میں چھا گیا حسین ہے یوں خدا سے حسین راضی ہر اک رضا سے حسین راضی

ہمیشہ بچھتا رہے گھر میں میرے فرش عزا حسین راضی رہے بس حسین راضی رہے

زمانہ روٹھے یا پھر چھوٹے کوئی بھی رشتہ حسین راضی رہے بس حسین راضی رہے

گئے وہ رن کی طرف جب حسین نے چاہا سپاہی حق کے سمجھتے تھے فلسفہ رب کا وہی وہ کرتے رہے جو حسین کہتا رہا

یہ مجلسیں یہ عزا خانے اور یہ فرش عزا سبیلیں اور تبرک کو بانٹنے کا مزہ حسین کے ہی لئے سب ہے اور یہ منشا

سبحان ربی الاعلی رسول پڑھتے رہے کہ ان کی پشت پہ جب تک حسین بیٹھے رہے بنا حسین کے کامل نہیں کوئی سجدہ

یہ اپنے بچوں کو ماؤں نے تربیت دی ہے غم حسین مناؤ یہ پرسہ داری ہے جیو حسین کے غم میں یہ باپ نے بھی کہا

دلوں کی دھڑکن میں بھی رواں ہے حسین توحید کی زباں ہے حسین میرا وہاں وہاں ہے

حسین دل ہے حسین جاں ہے تپش میں غم کی یہ سائباں ہے خدا کا کلمہ جہاں جہاں ہے

کہیں پہ بھائی کے بازو کہیں بہن کے پسر خدا کی راہ میں دی ہے جوانی اکبر جس امتحان میں لاتی رہی خدا کی رضا

پڑھو زیارت مولا خدا کو راضی کرو سنو حسین سنو گر پڑھو حسین پڑھو عزا کے فرش پہ بیٹھو خدا سے مانگو دعا

حسین تو جو نہیں ہے تو گھر نہیں کچھ بھی کٹے جو عشق میں تیرے تو سر نہیں کچھ بھی حبیب ابن مظاہر کی دوستی نے کہا

یہی نجات کا ذریعہ بنے گا محشر میں سر اپنا فخر سے اونچا رہے گا محشر میں اب اس خیال سے بڑھ کر بھی اور کیا ہوگا

کیا حسین نے عامر تجھے سفیر عزا عطا سے ان کی میں شاعر اہلبیت ہوا خدا سے پاؤں شناور یہ خدمتوں کا صلہ