Haye Mere Pyase Hussain
Noha Lyrics & Urdu Writeup on Imam Hussain (a.s) recited by Askari Hasan Zaidi
ہائے مقتول جفا ہائے مرے پیاسے حسین
بے وطن بے آسرا ہائے مرے پیاسے حسین
وہ شبیہ مصطفی وہ چاند وہ کڑیل جواں
جس کے مرنے پر لرز اٹھے زمین و آسماں
ہائے وہ اکبر ترا ہائے مرے پیاسے حسین
وہ ترے بھائی بھتیجے وہ ترے دونوں پسر
وہ ترے عون و محمد وہ ترے نور نظر
سارا کنبہ لٹ گیا ہائے مرے پیاسے حسین
پیاسے اصغر کے لئے وہ تیرا پانی کا سوال
گود میں کیسے تڑپتا تھا وہ ترا نونہال
مر گیا بچہ ترا ہائے مرے پیاسے حسین
ہائے وہ عباس جس کے نہر پر بازو کٹے
مر گیا وہ باوفا اک مشک پانی کے لئے
پھر بھی گھر پیاسا رہا ہائے مرے پیاسے حسین
بر زمین کربلا وہ آخری سجدہ ترا
ہائے جب گردن پہ تیری شمر کا خنجر چلا
کٹ گیا سوکھا گلا ہائے مرے پیاسے حسین
ساقی کوثر کا دلبر اور پیاسا رہ گیا
تف ہو اس دریا پہ جو چپ چاپ بہتا رہ گیا
خشک تھا سینہ ترا ہائے مرے پیاسے حسین
دیکھ کر پانی مصدق کا لرز جاتا ہے دل
پیاس بجھ جائے تو اس پر اور تڑپاتا ہے دل
کہتا جاتا ہے سدا ہائے مرے پیاسے حسین
ایک بی بی غمزده نوحہ کناں مقتل میں ہے
ہو نہ ہو شبیر کی دکھیا ری ماں مقتل میں ہے
رو رہی ہے فاطمہ ہائے مرے پیاسے حسین
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.