Koi Misal Mil Nahi Sakti Hussain Ki

آغاز کائنات سے پہلے تھی اس کی ذات تخلیق معجزات سے پہلے تھی اس کی ذات کن کے تکلفات سے پہلے تھی اس کی ذات یعنی ہر ایک ذات سے پہلے تھی اس کی ذات پہلے کیسے سنورتی یہ کائنات مولا اسے بناتے تو بنتی یہ کائنات

الفاظ تنگدست معانی فقیر ہیں نطق و بیاں کے حرف مطالب حقیر ہیں محدود ذہن اپنی حدوں میں اسیر ہیں ہم پست کیا لکھیں کہ وہ کتنے امیر ہیں بس اک یہی مثال ہے زہرا کے چین کی کوئی مثال مل نہیں سکتی حسین کی

لا شے کی مملکت میں سخی نے قدم رکھا لاہوت میں جہاں بنے مولا کے نقش پا اٹھا وہیں وہیں سے خمیر ملائکہ رب الملائکات پروں پر لکھا ہوا دنیا سمجھ میں آیا یہ رتبہ حسین کا جبریل کیوں جھلاتے تھے جھولا حسین کا

ہر شے ابھی عدم میں تھی موجود کچھ نہ تھا تاریک و تار شب نہ سویرا تھا با خدا سجدہ گزار نور فقط تھا حسین کا جس جس جگہ وہ عالم لاہوت میں جھکا خالق نے اپنے نور سے اس کو سجا لیا اتنا علاقہ عرش معلی بنا لیا