Haye Maar Ditta Lokan Baba Mera Bhara
Noha Lyrics & Urdu Writeup on Bibi Zainab (s.a) recited by Mir Hasan Mir
ہائے مار دتا لوکاں بابا میرا بھرا
سین غازی دی وین پاوے کربل وچ باج ردا
میں زین تے آپ سوار کیتا واگاں کلثوم نے پھڑیاں
جتھے ویر کھڑے سن کل تائیں اوتھے تیریاں نوواں کھڑیاں
آخری ویلے خیمیاں چوں انج ٹریا ویر میرا
اے وقت کسے تے نہ آوے جیڑا اج کربل وچ آیا
اک سانگ تے میری چادر سی اک سانگ تے امڑی جایا
میں اودے سر نوں تکدی رئی او چادر تکدا رہا
پاویں سڑ کے خیمے راکھ ہوئے نہ فیر وی پہرا چھڈیا
میں جاندی ساں توں آویں گا پر میں نہیں تینوں سدیا
حوصلہ رکھ کے کیتے نے غازی دے فرض ادا
کیوں نور گوا کے اکھیاں دا اکبر اکبر کردا سی
کیوں لاش تے پہنچیا اکبر دی کیوں ڈگدا سی اٹھدا سی
تھوڑی پہلاں جے تو آندا اے منظر خود تکدا
نو لکھ تیراں تلواراں نے اودے بدن تے ضرباں لائیاں
بھر بھر کے جھولیاں شامیاں نے زخماں تے ریتاں پائیاں
لاش تے گھوڑے بھجدے رہے ریا تکدا پور میرا
جیڑے تیراں نیزیاں توں بچ گئے او گھیر لے سن باواں
بڑے اوکھے راکھ تے خیمیاں دی او بال سوائے ماواں
بال او سارے جگ پئے نیں ہنٹر آ کے آپ سوا
اکبر اے آکھیا حیدر نے زینب دے اتھرو چم کے
ناں حال سنا مینوں زخماں دے میں جانڑدا ہاں غم تیرے
نال زہرا دے تکدا رہا میں سارا صبر ترا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.