Koi banra duniya te na khoon di mehndi lawe
Noha Lyrics & Urdu Writeup on Hazrat Qasim (a.s) recited by Mehmood Khan
کوئی بنڑا دُنیا تے نہ خون دی مہندی لاوے
نہ کبریٰؔ وانگوں بنڑی رسیاں دا زیور پاوے
کربل دی تپدی ریت اُتے قاسمؑ نوں سہرا لایا
تِن دِن دے پیاسے جانجیاں نوں ماں قاسمؑ دی فرمایا
جیویں شگن منائے مَیں اُجڑی کوئی ماں نہ شگن مناوے
یوسفؑ توں سوہنے قاسمؑ تے اُمت نوں ترس نہ آیا
اودے ٹکڑے کر کے ظالماں نے ہائے ماں دی جھولی پایا
کیویں ٹکڑے جوڑ کے تیرے ماں تینوں کفن پواوے
قاسمؑ دی لاش نوں چُندا اے پیا لبھ کے زہراؑ جایا
اُمت نے صبر دے مالک نوں ہائے کیسا وقت وکھایا
کوئی تپدی ریت چوں بابل انج دھی دا لیکھ نہ چاوے
گٹھڑی وچ لاش اے بنڑے دی ماں جوڑ کے شکل بنائی
کیویں ماں اُجڑی نے قاسمؑ دی کبریٰؔ نوں لاش وکھائی
یارب کسے بیوہ ماں تے ہائے انج دا وقت نہ آوے
ہائے موت تو پہلاں سیّداں نے نجفیؔ اِک کاج رچایا
انج آیا ہر کوئی شادی تے جیویں دیون پُرسہ آیا
نئی سر وچ خاک او پاندا جیہڑا دین مبارک آوے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.