Ishq ko benaqab hona tha

آپ اپنا جواب ہونا تھا تیری آنکھوں کا کچھ قصور نہیں ہاں مجھ ہی کو خراب ہونا تھا کوچہء عشق میں نکل آیا جس کو خانہ خراب ہونا تھا دل کہ جس پر ہیں نقشِ رنگا رنگ اُس کو سادہ کتاب ہونا تھا ہائے وہ لمحہء سکوں کہ جسے محشرِ اضطراب ہونا تھا کیوں نہ ہوتا ستم بھی بے پایاں کرمِ بے حساب ہونا تھا مستِ جامِ شراب ہونا تھا بے خود اضطراب ہونا تھا آؤ مل جاؤ مسکرا کے گلے ہو چکا جو عتاب ہونا تھا مستِ جامِ شراب خاک ہوئے غرقِ جامِ شراب ہونا تھا ہم نے ناکامیوں کو ڈھونڈ لیا آخرش کامیاب ہونا تھا نگہِ یار خود تڑپ اٹھتی شرطِ اوّل خراب ہونا تھا کیوں نظر حیرتوں میں ڈوب گئی موجِ صد اضطراب ہونا تھا ہو چکا روزِ اوّلیں ہی جگر جس کو جتنا خراب ہونا تھا