Main Azadar Hun

فاطمہؑ کی دُعاؤں کا شاہکار ہوں میں عزادار ہوں ماتمی ہوں شہِؑ دیں کا غمخوار ہوں میں عزادار ہوں تجھ کو اپنا تعارف کراؤں میں کیا ساکنانِ جناں میں ہے چرچا میرا میری تخلیق کا ہے سبب کربلا میرا مقصد ہے بس ذکرِ آلِ عبا ربِ اکبر کا مجھ پر یہ احسان ہے شاہِ والا کا غم میری پہچان ہے آنکھ کھولی تو مادر کا چہرہ دِکھا آئی کانوں میں خیرالعمل کی صدا ہر کوئی فرحتاً مجھ کو تکنے لگا اور کیا بارہا سب نے شکرِ خدا اِس طرح میری جلوہ سرائی ہوئی ماں کی آغوش میں رونمائی ہوئی مجھ کو بچپن میں سب کُچھ سکھایا گیا مَیں عزادار ہوں یہ بتایا گیا واقعہ کربلا کا سُنایا گیا میرا کردار ایسا بنایا گیا دے رہا ہے گواہی میرا پاک پن ماتمی ہوں میرا کربلا ہے وطن اُلفتِ شاہِ والا میں سرشار ہوں مَیں خدائے وفا کا پرستار ہوں بنتِ خیرالنساء کا نمک خوار ہوں خاندانِ نبیؐ کا وفادار ہوں خوش نسب ہوں کے یہ نیک نامی ملی مجھ کو ورثے میں اِن کی غُلامی ملی