Kis liye chup ho
Noha Lyrics & Urdu Writeup on Bibi Fatema (s.a) recited by Shadman Raza
کس لئے چپ ہو مجھے اتنا بتادو فاطمہ
یا علی اک بار بس کہ کے بلادو فاطمہ
ہاے یا زہرا ہاے یا زہرا
پسلیاں ٹوٹی ہوئی ہیں اس کی ہے مجھکو خبر
دل پھٹا جاتا ہے غم سے بس یہ منظر دیکھ کر
میری خاطر ہاتھ پہلو سے ہٹا دو فاطمہ
ہاے یا زہرا ہاے یا زہرا
کس لئے چپ ہو۔۔۔
فاطمہ ٹوٹا ہے پہلو ہاے یہ ظلم و ستم
رخ پہ سیلی کے نشاں ہیں ہاتھ میں بھی ہے ورم
جی رہی تھی کس طرح اتنا بتا دو فاطمہ
ہاے یا زہرا ہاے یا زہرا
کس لئے چپ ہو۔۔۔
کوئی دیتا ہے جواب اب اور نہ کرتا ہے سلام
ایسی غربت میں نہیں کرتی ہو کیوں مجھ سے کلام
مجھ سے تم باتیں کرو کچھ غم مٹا دو فاطمہ
ہاے یا زہرا ہاے یا زہرا
کس لئے چپ ہو۔۔۔
فاطمہ پل بھر جدائی سہ نہیں پاونگا میں
دردِ دل اپنا کسی سے کہ نہیں پاونگا میں
مجھ کو جینے کا ذرا سا حوصلہ دو فاطمہ
ہاے یا زہرا ہاے یا زہرا
کس لئے چپ ہو۔۔۔
فاطمہ فریاد یہ حسنین کی سن لو ذرا
کہ رہے ہیں ہم نہ کچھ کھائنگے اماں کے بنا
اپنے ہاتھوں سے انہیں کھانا کھلادو فاطمہ
ہاے یا زہرا ہاے یا زہرا
کس لئے چپ ہو۔۔۔
یاد کر کے رو رہا ہے ایک گوشے میں حسین
اٹھ کے تم پانی پلاتی تھیں اسے ملتا تھا چین
لعل پیاسا ہے اٹھو پانی پلا دو فاطمہ
ہاے یا زہرا ہاے یا زہرا
کس لئے چپ ہو۔۔۔
آو بچوں آخری دیدار اب ماں کا کرو
بیٹیوں خود کو سنبھالو ماں کا چہرہ چوم لو
جاتے جاتے اپنے بچوں کو دعا دو فاطمہ
ہاے یا زہرا ہاے یا زہرا
کس لئے چپ ہو۔۔۔
وقت رخصت ایسا لگتا ہے کہ میں مرجاونگا
اپنے ہاتھوں سے تمہیں میں کس طرح دفناونگا
سخت مشکل ہے مری ہمت بڑھا دو فاطمہ
ہاے یا زہرا ہاے یا زہرا
کس لئے چپ ہو۔۔۔
یہ جو چہرے پر ابھی تک آنسوؤں کے ہیں نشاں
کر رہے ہیں یہ تمہاری ساری غربت کو بیاں
کچھ تو اپنے غم مجھے خود سے سنا دو فاطمہ
ہاے یا زہرا ہاے یا زہرا
کس لئے چپ ہو۔۔۔
دیکھو منہ پر منہ رکھے کیسے حسن کرتا ہے بین
رو رہا ہے ننہے ہاتھوں سے کفن تھامے حسین
ان کے آنسو پوچھکر ان کو سلا دو فاطمہ
ہاے یا زہرا ہاے یا زہرا
کس لئے چپ ہو۔۔۔
رو رہے ہیں سن کے سب اہل عزا غم کا بیاں
کاش خود کہ دیں پیمبر یہ دبیر و شادماں
ہیں تمہارے ماتمی ان کو جزا دو فاطمہ
ہاے یا زہرا ہاے یا زہرا
کس لئے چپ ہو۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.