Maa kehti thi uth jaag
Noha Lyrics & Urdu Writeup on Bibi Sakina (s.a) recited by Qamar Abbas
ماں کہتی تھی اٹھ جاگ میری جان سکینہ
اٹھ گھر کو چلے کھل گیا زندان سکینہ
بندیں جو تیرے شمر نے چھینے وہ دلادوں
اک ننھی سی چادر میں تیرے سر پہ اڑھادوں
گھر جانے کا اب ہوگیا سامان سکینہ
ماں کہتی تھی اٹھ جاگ۔۔۔
معصوم سے گالوں پہ طمانچے بھی ہیں کھاے
رورو کے کہا کرتی تھی بابا نہیں آے
روتا ہے تیرے حال پہ زندان سکینہ
ماں کہتی تھی اٹھ جاگ۔۔۔
اٹھتی ہی نہیں لاکھ اٹھایا ہے کیء بار
لو مر ہی گئی آج وہ بابا کی عزادار
لب کھول زرا ماں ہے پریشان سکینہ
ماں کہتی تھی اٹھ جاگ۔۔۔
ارمان بہت تم کو تھا گھر جانے کا بیٹی
ہم چھوٹ گئے قید سے اٹھ گھر چلیں بیٹی
پورا نہ ہوا یہ تیرا ارمان سکینہ
ماں کہتی تھی اٹھ جاگ۔۔۔
اک بار میرے سینے سے لگ جا زرا اٹھ کر
کہتی تھی یہ ماں قبر سکینہ سے لپٹ کر
کچھ دیر کہ ہیں ہم تیرے مہمان سکینہ
ماں کہتی تھی اٹھ جاگ۔۔۔
وارث نہ رہا میرا رہا نہ میرا اصغر
جاتی ہوں سکینہ تمہیں زندان میں کھو کر
اجڑا ہے میرا کیسا گلستان سکینہ
ماں کہتی تھی اٹھ جاگ۔۔۔
میت پہ سکینہ کی حرم نوحہ کناں تھے
چہرے پہ سکینہ کے طمانچوں کے نشاں تھے
لو مر ہی گئی شام کی مہمان سکینہ
ماں کہتی تھی اٹھ جاگ۔۔۔
رونے کی صدا آتی ہے زندان سے آکر
مر کے بھی رہای نہ ملی ہے جسے اختر
سنسان سا ہے آج کیوں زندان سکینہ
ماں کہتی تھی اٹھ جاگ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.