Aaj meri maa chali gayi

جب آئے قبر میں دفنا کے فاطمہ کو علی کہا حسین سے آئیں گی اب نہ اماں کبھی تمہیں پلاؤں گا بیٹا میں آج سے پانی یہ پہلی رات یاد آئے گی بہت ماں کی تمہاری فکر میں ہو گی لحد میں ماں بے چین صبح سے جا گے ہو سو جاؤ تھوڑی دیر حسین

بڑھ کر علی نے گلے جب لگایا یہ کہہ کے شبیر نے سر اٹھایا آج میری ماں چلی گئی

بابا مجھے یہ بتائیں کیوں چھوڑ جاتی ہیں مائیں سینے سے اپنے لگا کر اب کون‌ دے گا دعائیں نظروں سے جاتا نہیں ماں کا چہرہ کیسے مجھے نیند آئے گی بابا آج میری ماں۔۔۔

روتا ہوں جب سے سنا ہے ماں کو طمانچہ لگا ہے اولاد کے سامنے کیا ماں کو کوئی مارتا ہے یہ وقت بابا کسی پر نہ آئے ماں اپنے بچوں سے چہرہ چھپائے آج میری ماں۔۔۔

دروازہ ماں پر گرا کر کہنے لگا ایک ستمگر آج اتنا زہرا کو مارو اٹھ نہ سکے زندگی بھر ہنستا رہا مار کر تازیانے آیا نہیں ماں کو کوئی بچانے آج میری ماں۔۔۔

بازو ہی جب ٹوٹ جائے کیسے کوئی ہاتھ اٹھائے بیٹے کو اس حال میں ماں سینے سے کیسے لگائے پھر بھی میرے ناز اٹھاتی تھی اماں تکلیف میں مسکراتی تھی اماں آج میری ماں۔۔۔

ماں مر گئی ہے پتہ تھا پر دل نہیں مانتا تھا اور آپ نے میرے بابا جب غسل ان کو دیا تھا یوں چیخ کر آپ روئے تھے بابا اس وقت مجھکو یقیں آ گیا تھا آج میری ماں۔۔۔

ہائے میں دربار سے گھر آیا تھا جب ماں کو لے کر رستے میں اماں کے پاؤں خط کھینچتے تھے زمیں پر ایسے قدم وہ اٹھاتی تھیں بابا چلتی تھیں پھر بیٹھ جاتی تھیں بابا آج میری ماں۔۔۔

مارا تھا ظالم نے بابا جس ہاتھ پر تازیانہ بھولوں گا کیسے میں ماں کا وہ ہاتھ مجھ سے چھپانا وہ نیل میری نظر میں تب آیا ماں نے کفن کھول کر جب بلایا آج میری ماں۔۔۔

جب دور اپنے وطن سے محروم ہو کر کفن سے لاشہ پڑا ہوگا میرا لٹ جائے گا سب بدن سے جاؤں گا ایک روز کربوبلا میں لیکن‌ غریب آج سے ہو گیا میں آج میری ماں۔۔۔

سینے سے اپنے لگا کر اس دم بہت روئے حیدر ہائے رضا اور ذیشاں جب بولے شبیر رو کر ماں مر گئی اب جیئوں گا میں کیسے اے کاش مر جاتا میں ان سے پہلے آج میری ماں۔۔۔