Ay sabz qaba maula
Noha Lyrics & Urdu Writeup on Imam Hasan (a.s) recited by Raza Abbas Zaidi
اے سبز قبا مولا اے سرخ کفن مولا
برسات ہے تیروں کی کیوں تجھ پہ حسن مولا
یہ کیسا جنازہ ہے جو لوٹ کے گھر آیا
اس تیری غریبی پہ روتی ہے بہن مولا
اے سبز قبا مولا۔۔۔
ہائے زہر ہلاہل نے کیسے یہ ستم ڈھایا
ٹکڑے ہے جگر تیرا زخمی ہے دہن مولا
اے سبز قبا مولا۔۔۔
عباس یہ رو رو کے کہنے لگے سرور سے
دیکھے تو ذرا کتنے زخمی ہیں حسن مولا
اے سبز قبا مولا۔۔۔
جب تیرے جنازے پر تیروں کی ہوئی بارش
کس طرح سہی تو نے تیروں کی چھبھن مولا
اے سبز قبا مولا۔۔۔
اولاد محمد پر جاری ہے ستم ہائے
کیوں اہلِ مدینہ کا بدلا ہے چلن مولا
اے سبز قبا مولا۔۔۔
جس طرح جگر تیرا ٹکڑے ہے اسی طرح
بٹ جائے گا ٹکڑوں میں قاسم کا بدن مولا
اے سبز قبا مولا۔۔۔
جن ہاتھوں سے زینب نے تیروں کو نکالا ہے
ہو گی انہیں ہاتھوں میں اک روز رسن مولا
اے سبز قبا مولا۔۔۔
اے مولا تیری طرح زخمی ہے تیری تربت
ہے غیر تیری خاطر اپنا ہی وطن مولا
اے سبز قبا مولا۔۔۔
ریحان و رضا ہائے گریہ نہ کرے کیوں کر
پھر فاطمہ زہرا کا اجڑا ہے چمن مولا
اے سبز قبا مولا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.