Tanha hai hussain

حسین جب کہ چلے بعد دو پہر رن کو نہ تھا کوئی جو تھامے رکاب توسن کو سکینہ تھام رہی تھی عبا کے دامن کو حسین چپکے کھڑے تھے جھکائے گردن کو نہ آسرا تھا کوی شاہ کربلائی کو فقط بہن نے کیا تھا سوار بھای کو

عصرِ عاشور یہ زینب کے لبوں پر تھی بکا تنہا ہے حسین کتنا تنہا ہے حسین

میرے عباس دلاور کو خبر دو جا کر تیرے آقا پہ نہ چل جائے لعیں کا خنجر ہاں یہی وقت مصیبت ہے دکھانی ہے وفا تنہا ہے حسین۔۔۔

ایک پیاسے کو لعینوں نے یہاں گھیرا ہے سات بھای نہ بھتیجا نہ کوی بیٹا ہے ہاے اس نیزوں کے جنگل میں کسے دے گا صدا تنہا ہے حسین۔۔۔

دوستی تم کو نبھانی ہے میرے بھائی کی آؤ مقتل سے حبیب ابن مظاہر اسدی شمر خنجر لیےء آتا ہے اٹھو بہر خدا تنہا ہے حسین۔۔۔

چور زخموں سے بدن سارا لہو جاری ہے ہاے کچھ دیر میں سر کٹنے کی تیاری ہے ہے محمد کے‌ نواسے پہ عجب وقت پڑا تنہا ہے حسین۔۔۔

درمیاں زین و زمیں کے ہے بدن پیاسے کا دور ہے دشت بیاباں سے وطن پیاسے کا ہاے اس عالم غربت میں کوئی بھی نہ رہا تنہا ہے حسین۔۔۔

ریت کے ٹیلے سے دیکھا یہ ستم کا منظر تھی بکا صفدر و مظہر یہ بہن کے لب پر آؤ امداد کو اے بابا علی ماں زہرا تنہا ہے حسین۔۔۔