Surae kahaf sunata
Noha Lyrics & Urdu Writeup on Imam Hussain (a.s) recited by Mir Hasan Mir
سورہء کہف سناتا ہے یہ سر کس کا ہے
خون آنکھوں سے بہاتا ہے یہ سر کس کا ہے
چلتے چلتے جو سکینہ کہیں گر جاتی ہے
خود کو نیزے سے گراتا ہے یہ سر کس کا ہے
سورہء کہف سناتا ہے۔۔۔
جس طرف جاتا ہے بازار میں سر اکبر کا
اس طرف دیکھتا جاتا ہے یہ سر کس کا ہے
سورہء کہف سناتا ہے۔۔۔
جب بھی داخل کسی بازار میں ہوتے ہیں حرم
پہلا پتھر یہی کھاتا ہے یہ سر کس کا ہے
سورہء کہف سناتا ہے۔۔۔
رات ہوتی ہے تو معصوم سی اک بچی کو
لوری نیزے سے سناتا ہے یہ سر کس کا ہے
سورہء کہف سناتا ہے۔۔۔
پڑھ کے قرآن کی آیات سر زینب سے
دھیان لوگوں کا ہٹاتا ہے یہ سر کس کا ہے
سورہء کہف سناتا ہے۔۔۔
یہ سماں کاش نہ دیکھے کوئی خواہر اس کی
شمر زلفوں سے اٹھاتا ہے یہ سر کس کا ہے
سورہء کہف سناتا ہے۔۔۔
میر سجاد نہیں کیا کوئی وارث اس کا
اس کو ہر ایک ستاتا ہے یہ سر کس کا ہے
سورہء کہف سناتا ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.