Shah ast hussain
Noha Lyrics & Urdu Writeup on Imam Hussain (a.s) recited by Nadeem Sarwar
شاہ است حُسین بادشاہ است حُسین
دیں است حُسین دیں پناہ است حُسین
سر داد نہ داد دست در دست ِ یزید
حقا کہ بنا لا الٰہ است حُسین
سردار و شہنشاہ اے شاہِ شہیداں
قاری سرِ نیزہ اے وارثِ قرآن
کہتی ہیں نمازیں اب تک سرِ میدان
سُنو زندہ ہے حُسین سُنو زندہ ہے حُسین
شاہ است حُسین۔۔۔
اذاں و نمازیں میلادِ محمد
یہ مجلس و ماتم عباس کا پرچم
کہتی ہیں سبیلیں کہتا ہے محرم
سُنو زندہ ہے حُسین۔۔۔
شاہ است حُسین۔۔۔
اکبر کا کلیجہ حلقِ علی اصغر
عباس کے بازو زینب کا کھلا سر
یہ کہتے ہیں تجھ سے اے شام کے لشکر
سُنو زندہ ہے حُسین۔۔۔
شاہ است حُسین۔۔۔
مرقد سے نکل کر خود فاطمہ زہرا
مقتل کی زمیں پر دیتی رہی پہرہ
خنجر سے سناں سے کہتی رہی زہرا
سُنو زندہ ہے حُسین۔۔۔
شاہ است حُسین۔۔۔
زنجیرِ ستم نے رستہ نہیں روکا
پہنے ہوئے بیڑی چلتے رہے مولا
کہتا ہے ابھی تک سجاد کا سجدہ
سُنو زندہ ہے حُسین۔۔۔
شاہ است حُسین۔۔۔
اعدائ کے تماچے رُخسارِ سکینہ
جلتا ہوا دامن گرمی کا مہینہ
کہتی تھی پھوپھی سے ہر ایک سے کہنا
سُنو زندہ ہے حُسین۔۔۔
شاہ است حُسین۔۔۔
بیمارِ مدینہ وہ فاطمہ صُغرا
دروازے پہ بیٹھی تکتی ہے جورستہ
خود کو یہی کہہ کر دیتی ہے دلاسا
سُنو زندہ ہے حُسین۔۔۔
شاہ است حُسین۔۔۔
سرور سرِ مجلس ذکرِ شاہِ والا
ریحان مسلسل اس غم کا حوالا
دوہراتا ہے ہر دم تاریخ کا جملہ
سُنو زندہ ہے حُسین۔۔۔
شاہ است حُسین۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.