Mai pyasa tahe
Noha Lyrics & Urdu Writeup on Imam Hussain (a.s) recited by Mir Rehan Abbas
سرور کا گلا خشک تھا اور کند تھا خنجر
رہ رہ کے پھراتا تھا لعیں سوکھے گلے پر
تیروں پہ معلق رہا شبیر کا لاشہ
ماں کہتی رہی گود میں آجا میرے بیٹا
میں پیاسا تہہ تیغ تڑپتا رہا اماں
اور سامنے بہتا ہوا دریا رہا اماں
کٹتا تھا گلا میرا قیامت کی گھڑی تھی
زینب در خیمہ سے کھڑی دیکھ رہی تھی
خنجر میرے حلقوم پہ چلتا رہا اماں
اور سامنے بہتا ہوا دریا رہا اماں
---میں پیاسا تہہ تیغ
گہوارہ جھلاتے تھے کبھی جسکا فرشتے
اس طرح اسے قتل کیا شمر لعیں نے
پیاسا دم آخر میں تڑپتا رہا اماں
اور سامنے بہتا ہوا دریا رہا اماں
---میں پیاسا تہہ تیغ
وہ ہوتا جو زندہ تو مجھے کچھ نہیں ہوتا
آجاتا مدد کو میرا عباس کہاں تھا
لاشہ میرے بھیا کا لرزتا رہا اماں
اور سامنے بہتا ہوا دریا رہا اماں
---میں پیاسا تہہ تیغ
تپتے ہوئے صحرا پہ عجب ظلم تھا مجھ پر
اماں وہ ستمگر کا بہت کند تھا خنجر
کٹتی تھی رگیں جسم اچھلتا رہا اماں
اور سامنے بہتا ہوا دریا رہا اماں
---میں پیاسا تہہ تیغ
تھے زخم بہت ہی تن مظلوم پہ اماں
خنجر تھا رواں شمر کا حلقوم پہ اماں
پہلو میں جو نیزہ تھا وہ چبھتا رہا اماں
اور سامنے بہتا ہوا دریا رہا اماں
---میں پیاسا تہہ تیغ
تنہا تھا میں ہر سمت سے گھیرے تھے ستمگر
عباس نہ زندہ تھے نہ زندہ علی اکبر
صدمہ مجھے ان سب کا رلاتا رہا اماں
اور سامنے بہتا ہوا دریا رہا اماں
---میں پیاسا تہہ تیغ
ایسا تہہ خنجر تھا گلوے شہ والا
ہاں زیر تن شاہ وہ تپتا ہوا صحرا
ہر سانس پہ تکلیف اٹھاتا رہا اماں
اور سامنے بہتا ہوا دریا رہا اماں
---میں پیاسا تہہ تیغ
سرور کے مصایب پہ زمانہ ہے تڑپتا
پر درد یہ نوحہ جو مبارک نے ہے لکھا
اس بین پہ ریحان تڑپتا رہا اماں
اور سامنے بہتا ہوا دریا رہا اماں
---میں پیاسا تہہ تیغ
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.