Maa meri pyari
Noha Lyrics & Urdu Writeup on Imam Hussain (a.s) recited by Farhan Ali Waris
اے ماں اے پیاری ماں
ماں میری پیاری ماں پاس بلالے ماں
وقتِ شہادت آ پہنچا ہے
خنجر قاتل بھی پیاسا ہے
پیاس بجھانے تیغ ستم کی
تیرا لہو مقتل جاتا ہے
ہوتا ہوں گھر سے رواں
پاس بلالے ماں
ماں میری پیاری ماں۔۔۔
تیرے سینے پر سر رکھ کر
سوے ہوے برسوں بیتے ہیں
گود میں سوؤں تیری جیسے
جھولے میں بچے سوتے ہیں
چاہیےء مجھکو عماں
پاس بلالے ماں
ماں میری پیاری ماں۔۔۔
لاشوں پر لاشے لایا ہوں
مقتل سے میں تنہا اماں
دل میں نہیں ہے طاقت میرے
اٹھتا نہیں ہے صدمہ اماں
خشک ہے میری زباں
پاس بلالے ماں
ماں میری پیاری ماں۔۔۔
زخموں سے خوں آنکھ سے آنسوں
مقتل میں کب تک برساؤں
کس کی لاش کو تنہا چھوڑوں
کاندھے پہ کس کی لاش اٹھاؤں
ایک اکیلی ہے جاں
پاس بلالے ماں
ماں میری پیاری ماں۔۔۔
چھلنی ہوا اکبر کا کلیجہ
سینے میں ٹوٹا ہے نیزہ
نور گیا میری آنکھوں کا
ملتا نہیں ہے مجھکو رستہ
مر گیا کڑیل جواں
پاس بلالے ماں
ماں میری پیاری ماں۔۔۔
بالی سکینہ روک رہی ہے
مقتل میں جانے نہیں دیتی
کس کے سینے پر سوے گی
اماں اب میری پیاری بیٹی
اس پہ کرو احسان
پاس بلالے ماں
ماں میری پیاری ماں۔۔۔
میری بہن زینب وہ کھڑی ہے
خیمے کے در سے دیکھ رہی ہے
صبر خدا دے میری بہن کو
اماں دعا دو سخت گھڑی ہے
روتی ہے سب بی بیاں
پاس بلالے ماں
ماں میری پیاری ماں۔۔۔
منہ کو چھپا لو بالوں سے اپنے
دیکھ سکو گی کیسے یہ منظر
کیسے سہو گی دیکھ کے اماں
اپنے پسر کے حلق پہ خنجر
ہوتا ہے خنجر رواں
پاس بلالے ماں
ماں میری پیاری ماں۔۔۔
کہتے تھے فرحان یہ سرور
میں تو ہوں ریحان رسالت
زخم ہزاروں دل پہ اٹھا کے
کرتا رہا انکار بیعت
اب ہے یہی ارماں
پاس بلالے ماں
ماں میری پیاری ماں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.